ზაურ კალოევი

დაიბადა თბილისში. ფეხბურთელი (თავდამსხმელი). თამაშობდა თბილისის “სპარტაკსა” (1950-51) და “დინამოში” (1952-56, 1959-64), მოსკოვის “ლოკომოტივში” (1957-58). სსრკ უმაღლეს ლიგაში ჩაატარა 249 მატჩი (116 გოლი). სსრკ ჩემპიონატის მეორე (1953) და მესამე (1959, 62) პრიზიორი, სსრკ თასის მფლობელი (1957) და ფინალისტი (1960), სსრკ ჩემპიონატების ორგზის საუკეთესო ბომბარდირი (1959, 1960), გრიგორი ფედოტოვის სახელობის “ასიანთა კლუბის” წევრი (139 გოლი). იყო ცხინვალის “სპარტაკის” (1965-67), ჭიათურის “მაღაროელის” (1968-70), თბილისის ასკ-ის (1973-75, 1980-83) და მცხეთის “არმაზის” (1986-88, 1991) მთავარი მწვრთნელი. მისი ხელმძღვანელობით თბილისის ასკ-ის გუნდმა სამჯერ (1973, 1974, 1981) მოიპოვა სსრკ შეიარაღებული ძალების თასი. სსრკ სპორტის დამსახურებული ოსტატი. ღირსების ორდენის კავალერი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  189 გვ.

• "დინამო" თბილისი (1953-1962)

• 1962 - მესამე ადგილი, სსრ კავშირის ჩემპიონატი
• 1959 - მესამე ადგილი, სსრ კავშირის ჩემპიონატი
• 1953 - მეორე ადგილი, სსრ კავშირის ჩემპიონატი