ვახტანგ კუხიანიძე

დაიბადა თბილისში. ბერძნულ-რომაული და თავისუფალი ჭიდაობის მწვრთნელი. სსრკ ჩემპიონატის მესამე პრიზიორი (1940) ბერძნულ-რომაულ ჭიდაობაში. იყო სსრკ ბერძნულ-რომაული სტილით მოჭიდავეთა ნაკრების უფროსი მწვრთნელი (1950-იანი წლები). 1952 წლის ჰელსინკის ოლიმპიურ თამაშებზე ხელმძღვანელობდა სსრკ ბერძნულ-რომაული და თავისუფალი სტილით მოჭიდავეთა გუნდებს. მისი აღზრდილები არიან: არსენ მეკოკიშვილი, სერგო გაბარაევი, ნიკოლოზ მუზაშვილი, ვაღარშაკ მაჩკალიანი (ყველა – თავისუფალი ჭიდაობა) და შალვა ჩიხლაძე (ბერძნულ-რომაული ჭიდაობა). სსრკ სპორტის დამსახურებული ოსტატი და დამსახურებული მწვრთნელი, საერთაშორისო კატეგორიის მსაჯი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  326 გვ.

• "დინამო" თბილისი