გიორგი ავალიშვილი

დაიბადა თბილისში. კალათბურთელი (183 სმ). თამაშობდა თბილისის “ნაუკაში” (1929-31), “მედსანტრუდში” (1932-34), “სპარტაკში” (1935-36), “სტროიტელსა” (1937) და “დინამოში” (1938-50). სსრკ ჩემპიონატის მეორე პრიზიორი (1947). იყო თბილისის “დინამოს” და საქართველოს კალათბურთელთა ნაკრების  მწვრთნელი და მთავარი მწვრთნელი (1945-68). მისი თავკაცობით “დინამო” გახდა სსრკ სამგზის ჩემპიონი (1950, 53, 54), მეორე (1960) და მესამე (1952) პრიზიორი, ორჯერ მოიპოვა სსრკ თასი (1950, 51), საქართველოს ნაკრები კი სსრკ ხალხთა II სპარტაკიადაში (1959) მეორე ადგილზე გავიდა. სსრკ სპორტის დამსახურებული ოსტატი და დამსახურებული მწვრთნელი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  326 გვ.

• "ნაუკა" თბილისი