ლევან ძეკონსკი

დაიბადა ალექსანდროპოლში (ახლანდ. გიუმრი, სომხეთი). კალათბურთელი (174 სმ). თამაშობდა საქართველოს ინდუსტრიული ინსტიტუტის გუნდში (1933-38), თბილისის “ლოკომოტივსა” (1938-41) და თბილისის არმიელთა გუნდებში – დკა, ტდო, ტოდო (1944-47). სსრკ ორგზის ჩემპიონი (1944, 46), ორგზის მეორე (1940, 45) და მესამე (1939) პრიზიორი. იყო თბილისის არმიელთა გუნდის მოთამაშე-მწვრთნელი (1942-49), პოლიტექნიკური ინსტიტუტის ქალთა გუნდისა (სპი) და საქართველოს ქალთა ნაკრების მთავარი მწვრთნელი (1950-77). მისი ხელმძღვანელობით სპი-ს ქალთა გუნდი ორჯერ გახდა სსრკ ჩემპიონატის მეორე პრიზიორი (1966, 67). სსრკ სპორტის დამსახურებული ოსტატი და დამსახურებული მწვრთნელი, საერთაშორისო კატეგორიის მსაჯი. იმსაჯა ევროპის ჩემპიონატის ფინალური ეტაპის შეხვედრები (1953).

• "ლოკომოტივი" თბილისი