ვახტანგ ჯაფარიძე

დაიბადა სამტრედიაში. კალათბურთი, საერთაშორისო კატეგორიის მსაჯი. იმსაჯა მსოფლიოსა და ევროპის ჩემპიონატების მატჩები, კალათბურთის ფესტივალი პერუში, მრავალი საერთაშორისო შეხვედრა. სისტემატურად სახელდებოდა სსრკ საუკეთესო მსაჯთა შორის. 25 წლის განმავლობაში საერთაშორისო ასპარეზზე მაღალკვალიფიციური მსაჯობისთვის ფიბამ დააჯილდოვა “ვერცხლის სასტვენით” (1976). სსრკ-ში ერთ-ერთ პირველს მიენიჭა სპორტის საპატიო მსაჯის წოდება (1972).

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  334 გვ.