ვაჟა კრავეიშვილი

დაიბადა ქ. სამტრედიაში. ჰყავს მეუღლე და სამი შვილი.

1975 წლიდან მუშაობს მწვრთნელად. დამსახურებული მწვრთნელი, სპორტის მოღვაწე. 1994 წლიდან ჭაბუკთა ნაკრების უფროსი მწვრთნელი. 

დღესაც განაგრძობს ბერძნულ-რომაულ (კლასიკურ) ჭიდაობაში მოღვაწეობას. გაზრდილი ჰყავს არაერთი მსოფლიო, ევროპის და ოლიმპიადის მედალოსანი. ბერძნულ-რომაულ ჭიდაობაში მსოფლიოს ჩემპიონის - დავით ბედინაძისა და 2012 წლის ოლიმპიური თამაშების პრიზიორის - მანუჩარ ცხადაიას პირადი მწვრთნელი. მის მოსწავლეთა შორის ასევე არიან შმაგი ბოლქვაძე, ზვიად პატარიძე და სხვ.

2019 წელს ჭიდაობის მსოფლიო გაერთიანებამ (UWW) ქართველი მწვრთნელი - ვაჟა კრავეიშვილი, მსოფლიო ჭიდაობაში შეტანილი წვლილისთვის სპეციალური ჯილდოთი და სერტიფიკატებით დააჯილდოვა.

2011 წლის 28 აპრილს სპორტისა და ახალგაზრდობის საქმეთა მინისტრმა, საქართველოს პრეზიდენტის განკარგულებით, საქართველოში სპორტის განვითარება-პოპულარიზაციისა და ახალგაზრდა სპორტსმენთა მომზადების საქმეში შეტანილი წვლილისათვის, ნაყოფიერი სპორტული და პედაგოგიური მოღვაწეობისათვის ღირსების ორდენით დააჯილდოვა.

• "ბურევესტნიკი" თბილისი (1967-)

• 2011 - ღირსების ორდენი
  საქართველოში სპორტის განვითარება-პოპულარიზაციისა და ახალგაზრდა სპორტსმენთა მომზადების საქმეში შეტანილი წვლილისათვის, ნაყოფიერი სპორტული და პედაგოგიური მოღვაწეობისათვის