ლევან ღუდუშაური

ფრიადზე დაამთავრა საქართველოს პოლიტექნიკური ინსტიტუტი. პროფესიით ინჟინერ - არქიტექტორი. სწავლის პარალელურად წარმატებით გამოდიოდა  მოკრივეთა ტურნირებში. "დიდებული ქართველი მოკრივე და ათლეტი", "მოხევე გოლიათი", "ქართული კრივისა და თბილისის ქუჩების მშვენება" - ამგვარი სათაურებით ქვეყნდებოდა წერილები ღუდუშაურზე. სპორტსაზოგადოება "სტროიტელის" ცენტრალური საბჭოს პირველობის ორგზის ჩემპიონი მძიმე წონაში (1938, 1939); სპორტსაზოგადოება "დინამოს" ცენტრალური საბჭოს პირველობის ჩემპიონი ქვემძიმე წონაში (1944); წლების განმავლობაში მუშაობდა თბილისის მე-3 საშუალო სკოლის დირექტორად, სპორტული სკოლა-ინტერნატის დირექტორად; საქართველოს კრივის ფედერაციის თავმჯდომარედ.

სსრ კავშირის სპორტის ოსტატი 1946 წლიდან.

 სსრ კავშირის სპორტის დამსახურებული ოსტატი 1951 წლიდან.

საქართველოს სსრ დამსახურებული მწვრთნელი 1962 წლიდან.

საკავშირო კატეგორიის მსაჯი 1956 წლიდან.

• "დინამო" თბილისი (1946-)

• 1946 - მეორე ადგილი, სსრკ ჩემპიონატი. მოსკოვი
• 1945 - პირველი ადგილი, სსრკ ჩემპიონატი. მოსკოვი (ქვემძიმე კატეგორია)
• 1944 - მეორე ადგილი, სსრკ ჩემპიონატი. მოსკოვი