ძიება
ბიოგრაფიული ლექსიკონი წარმოგიდგენთ როგორც საქართველოს იმ სპორტსმენთა ბიოგრაფიებს, რომლებმაც მნიშვნელოვანი წვლილი შეიტანეს ქართული სპორტის განვითარებაში; აგრეთვე, ერთი პრიზი მაინც მოიპოვეს სპორტულ შეჯიბრებებში. ბიოგრაფიული ლექსიკონი მოიცავს ინფორმაციას როგორც საერთაშორისო შეჯიბრებებში, ასევე ყოფილ საბჭოთა ჩემპიონატებსა და სპარტაკიადებში გამარჯვებულები სპორტსმენების შესახებ.
|
ბიძინა მაზიაშვილი
დაბადების თარიღი: | 9 მაისი, 1928 |
გარდაცვ. თარიღი: | 14 ოქტომბერი, 2004 (76 წლის ასაკში) |
კატეგორია: | მსაჯი, მწვრთნელი, სამბო, ძიუდო |
ბიოგრაფია
დაიბადა ზემო მაჩხაანში (დედოფლისწყარო). ძიუდოს მწვრთნელი. საქართველოს ძიუდოისტთა ნაკრების მთავარი მწვრთნელი (1964-82, 93-95), სსრკ ნაკრების მწვრთნელი (1970-81). მიწვეული იყო იაპონიაში ქართული ჭიდაობის გაკვეთილების ჩასატარებლად (1990). მისი აღზრდილები არიან: ანზორ მარტყოფლიშვილი, ჯიბილო ნიჟარაძე, გივი ონაშვილი, რამაზ ხარშილაძე, ფარნაოზ ჩიკვილაძე, გურამ გოგოლაური, ამირან მუზაევი (ყველა – ძიუდო), გენადი გიორგაძე, მალხაზ ბერუაშვილი (ორივე – სამბო). სსრკ დამსახურებული მწვრთნელი. ღირსების ორდენის კავალერი.
წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. - 329 გვ.
ორგანიზაციის, ასოციაციის ან ჯგუფის წევრი
|