შოთა ქველიაშვილი

დაიბადა თბილისში. ტყვიის მსროლელი. XVIII ოლიმპიური თამაშების მეორე პრიზიორი პირად პირველობაში (1964, ტოკიო), XIX ოლიმპიური თამაშების მონაწილე (1968, მეხიკო _ IV ადგილი), ევროპის სამგზის ჩემპიონი (1959 _ გუნდურში, 1969 _ პირადსა და გუნდურში), ახალგაზრდებს შორის მსოფლიო პირველობაში გამარჯვებული (1958), სსრკ სამგზის ჩემპიონი (1961, 64, 68),  სამგზის მეორე (1961, 63, 68) და მესამე (1959, 63, 67) პრიზიორი, სსრკ ხალხთა II და III სპარტაკიადების მეორე პრიზიორი (1959 _ პირადში, 1963 _ გუნდურში), III და IV სპარტაკიადების მესამე პრიზიორი (1963, 67 ორივე _ პირადში), სსრკ სპორტის დამსახურებული ოსტატი, საერთაშორისო კატეგორიის მსაჯი. ტყვიის სროლის საერთაშორისო ფედერაციის წევრი (1982-92), სპორტის აკადემიის გამოყენებითი სახეობების კათედრის გამგე (1988-04). ღირსების ორდენის კავალერი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  176 გვ.