მორის სახვაძე

დაიბადა თბილისში. მოფარიკავე (ხმალი). საერთაშორისო კატეგორიის მსაჯი. კლუბებს შორის ევროპის ჩემპიონატის მესამე პრიზიორი (1967), სსრკ სამგზის ჩემპიონი გუნდურ შეჯიბრებაში (1960, 62, 64), მეორე პრიზიორი პირად (1964) და გუნდურ (1966) ჩათვლაში, სსრკ თასის მფლობელი (1963).  იმსაჯა XXII (1980, მოსკოვი) და XXV (1992, ბარსელონა) ოლიმპიური თამაშებში. XXVIII ოლიმპიადაზე (2004, ათენი) იყო ფარიკაობის საერთაშორისო ფედერაციის მსაჯთა კომისიის დელეგატი. მსაჯად იყო მიწვეული მსოფლიოს 15-მდე ჩემპიონატზე. 1992 წლიდან იყო ფარიკაობის საერთაშორისო ფედერაციის მსაჯთა კომისიის წევრი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  183 გვ.