ალექსანდრე (ალიოშა) ჯაფარიძე

დაბადების ადგილი -  ხრეითი, ჭიათურა. ქართული ალპინისტური სკოლის ერთ-ერთი შემქმნელი. დაამთავრა საქართველოს პოლიტექნიკური ინსტიტუტის ელექტრო-მექანიკის ფაკულტეტი.პამირისა და კავკასიონის მწვერვალებზე შესრულებული აქვს 100-ზე მეტი სპორტული ასვლა, რომელთაგან საეტაპო იყო ასვლები თეთნულდზე (1930), უშბაზე (1934), უსახელო მწვერვალზე პამირში (1936), პირველი ზამთრის ასვლა უშბაზე (1943), ცენტრალური კავკასიონის მცირე (1938) და დიდი ტრავერსი (1940). საქართველოს ალპური კლუბის დამაარსებელი (1936), ამიერკავკასიაში ალპინისტური მოძრაობის ორგანიზატორი. საქართველოს სამთო-სამაშველო სამსახურის უფროსი, საკვალიფიკაციო კომისიის თავმჯდომარე, საქართველოს ალპური კლუბის თავმჯდომარე (1936-1940; 1943-1945). მინიჭებული ჰქონდა ”პამირის გმირის” წოდება. სსრკ სპორტის დამსახურებული ოსტატი, მთამსვლელობაზე დაწერილი ხუთი წიგნის ავტორი. მისი სახელი მიენიჭა საქართველოს ალპურ კლუბს (1945), მწვერვალებს პამირსა და კავკასიონზე. დაიღუპა 1945 წელს მწვერვალ უშბაზე.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. - 279 გვ.

• "ნაუკა" თბილისი (1937-)