ბექნუ ხერგიანი

დაიბადა მესტიაში. ალპინისტი. სსრკ ოთხგზის ჩემპიონი ტრავერსების კლასში (1950, შხელდა-უშბა; 1952, შხარა-თეთნულდი; 1957, დარვაზის ქედი; 1960, ზულუმარტისა და იმიერალაის ქედები). სსრკ-ში პირველად, ჯგუფთან ერთად განახორციელა კედლოვანი ასვლა სამხრეთ უშბაზე (1937), რითაც სათავე დაედო კედლოვანი ასვლების კლასს მთამსვლელობაში. მის ანგარიშზეა ასზე მეტი ასვლა პამირისა და კავკასიონის მწვერვალებზე. იალბუზის დასავლეთ მწვერვალიდან ჩამოხსნა (1943) გერმანელ ფაშისტთა მიერ აღმართული ნაცისტური დროშა. სსრკ სპორტის დამსახურებული ოსტატი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. - 280 გვ.

• "კოლმეურნე" მესტია