ნოდარ ჩიტიშვილი (ჩიტო)

ნოდარ ჩიტიშვილი დაიბადა 1945 წლის 2 იანვარს თბილისში. სწავლობდა თბილისის მე-19 ვაჟთა და შემდეგ მე-4 სკოლაში. დამთავრებული აქვს საქართველოს პოლიტექნიკური ინსტიტუტის ენერგეტიკის ფაკულტეტი. მუშაობდა "საქენერგოში", "თელასში" და "საქგანათებაში" სხვა და სხვა თანამდებობებზე. სპორტით(ფარიკაობა) დაინტერესდა 1956 წლიდან,  მისი მწვრთნელები იყვნენ თამარა ტრაფიმოვა და შოთა დარასელია. არის სსრკ სპორტის ოსტატი 1965 წლიდან. საქართველოს მრავალგზის ჩემპიონი და თასის მფლობელი, სსრკ თასის ორგზის ვერცხლის მედალოსანი, საკავშირო სპორტსაზოგადოება "დინამოს" ხუთგზის ჩემპიონი, საბჭოთა კავშირის ნაკრების წევრი და სსრკ პირველობის რამდენიმე გზის ფინალისტი. ამჟამად იმყოფება პენსიაზე.

• საკავშირო სპორტსაზოგადოება "დინამო" , წევრი (1970-1990)