ალექსანდრე (სანდრო) კანდელაკი

 დაიბადა 1892 წელს მცხეთის რაიონის სოფელ ნიჩბისში. ცნობილი ფალავანი. გამოირჩეოდა განსაკუთრებული ფიზიკური ძალით, ხალხში საქართველოს გოლიათად მოიხსენიებდნენ. ჭიდაობა დაიწყო 1910-იან წლებში. ჯერ “იტალიელების ბაღში” გამოდიოდა, შემდეგ - ესიკოვსკის ცირკში. დამარცხებული ჰყავს მრავალი სახელოვანი მოჭიდავე, მათ შორის თევდორე კოჟემიაკი, ივან ზაიკინი, პაველ ზაგოჩუიკო, გეორგ ლურიხი. შეხვედრია ივან პოდდუბნის (ორიდან ერთი ბრძოლა მოიგო, ერთი ფრედ დაამთავრა). 1921 წლიდან უფრო კლასიკურ ჭიდაობას მისდევდა. ილეთები საგანგებოდ არ შეუსწავლია, მაგრამ დიდი ღონის წყალობით მაინც იმარჯვებდა. გადაღებულია ქართულ ფილმებში (“ჯანყი გურიაში”, “ხანუმა”, “უკანასკნელი ჯვაროსნები”, “ქაჯანა”, “გიორგი სააკაძე”). დაჯილდოებულია „საპატიო ნიშნის“ ორდენით.

 1976 წელს მცხეთაში გაიხსნა სანდრო კანდელაკის ძეგლი, რომლის მოქანდაკე იყო ბიძინა ავალიშვილი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. - 15 გვ.

• „საპატიო ნიშნის“ ორდენი