აფი გიგანი

დაიბადა მულახში, (მესტია). ალპინისტი, მეკლდეური. ორგზის “თოვლის ჯიქი”. შესრულებული აქვს ურთულესი კატეგორიის სასიმაღლო, სასიმაღლო-ტექნიკური, ტექნიკური და თოვლ-ყინულოვანი ასვლები კავკასიონზე, პამირში, ტიან-შანზე, ჰიმალაებში. მათ შორის: დჰაულაგირზე (1995, პირველგავლა), ევერესტზე (1999), მთავარ ლჰოცზეზე (2000), ხან-თენგრიზე (6 ასვლა), პობედაზე (3 ასვლა), ლენინის (3 ასვლა), კომუნიზმისა (2 ასვლა) და კორჟენევსკაიას (2 ასვლა) პიკებზე, ზამთრის ასვლები უშბასა და ჩათინზე. ვახტანგ გორგასლის III ხარისხის ორდენისა და ღირსების ორდენის კავალერი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. - 283 გვ.