ნინო სალუქვაძე

 დაიბადა თბილისში. ტყვიის მსროლელი. 1988 წლის სეულის ოლიმპიური თამაშების ჩემპიონი სპორტული პისტოლეტით და მეორე პრიზიორი პნევმატური პისტოლეტით სროლაში. კიდევ ოთხი ოლიმპიადის მონაწილე: 1992, ბარსელონა _ სპორტული პისტოლეტით სროლაში _ V ადგილი, პნევმატურით _ X;  1996, ატლანტა _ სპორტულით VII, პნევმატურით _ V;  2000, სიდნეი _ ფინალში ვერ მოხვდა; 2004, ათენი _ სპორტულით VIII, პნევმატურით _ X ადგილი. მსოფლიოს ჩემპიონი პირად პირველობაში (1989) და ექვსგზის ჩემპიონი გუნდურ ჩათვლაში (1986-87, 89-90 _ სპორტული + პნევმატური, 91), მეორე (2002) და მესამე (1986) პრიზიორი პირად შეჯიბრებაში. მსოფლიოს სუპერთასის შვიდგზის მფლობელი (1989, 90, 93, 99, 2005). ევროპის ხუთგზის ჩემპიონი პირად და გუნდურ ჩათვლაში (1989-90, 93), ორგზის მეორე (2005) და ორგზის მესამე (1999, 2003) პრიზიორი. დამყარებული აქვს ოცამდე მსოფლიო რეკორდი. საქართველოს ორგზის წლის საუკეთესო სპორტსმენი (1988, 99). სსრკ სპორტის დამსახურებული ოსტატი. ღირსების ორდენისა  და ვახტანგ გორგასლის II და III ხარისხის ორდენების კავალერი.