კახი კახიაშვილი

დაიბადა ცხინვალში. ძალოსანი (90, 94, 99 კგ).  ბარსელონის (1992), ატლანტის (1996) და სიდნეის (2000) ოლიმპიური თამაშების ჩემპიონი. მსოფლიოს სამგზის ჩემპიონი (1995, 98, 99) და ორგზის მეორე პრიზიორი (1993, 94), ევროპის ოთხგზის ჩემპიონი (1992, 93, 95, 96), მეორე (1994) და მესამე (1998) პრიზიორი, ევროპის თანამეგობრობის სამგზის ჩემპიონი (1995, 96, 98), ევროპის სუპერთასის მფლობელი (1993) და მსოფლიოს სუპერთასის გათამაშების ორგზის მეორე პრიზიორი (1992, 94), სსრკ თასის მფლობელი (1991) და დსთ-ის ჩემპიონი (1992). ორჭიდში დამყარებული აქვს მსოფლიო რეკორდი: 420 კგ (99 კგ კატეგორიაში, 1996); ატაცში – ორი მსოფლიო რეკორდი: 185,5 კგ (91 კგ კატეგორიაში, 1994) და 188 კგ (94 კგ კატეგორიაში, 1999); აკვრაში – სამი: 227,5 კგ (91 კგ კატეგორიაში, 1995), 228,5 კგ (91 კგ კატეგორიაში, 1995) და 235 კგ (99 კგ კატეგორიაში, 1996). ორჯერ აღიარეს საქართველოს წლის საუკეთესო სპორტსმენად (1992, 93). სსრკ სპორტის დამსახურებული ოსტატი, ვახტანგ გორგასლის II ხარისხის ორდენის კავალერი, საბერძნეთის პრეზიდენტისა და პარლამენტის 2-2 ოქროს მედლის ლაურეატი. 1994 წლიდან გამოდიოდა საბერძნეთის სახელით. 2005 წელს აღიდგინა საქართველოს მოქალაქეობა.

 წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  223 გვ.