ნოდარ ქუმარიტაშვილი

დაიბადა ბაკურიანში. ქართველი მოციგავე. სიმაღლე 179 სმ. წონა 80 კგ. დაიღუპა 2010 წლის ზამთრის ოლიმპიური თამაშების (ვანკუვერი, ბრიტანეთის კოლუმბია, კანადა) გახსნის ცერემონიის დღეს, ვარჯიშის დროს. სამწუხაროდ, სიცოცხლეში ვერ მოასწრო დიდი სპორტული ჯილდოების მოპოვება, ერთი დიდი ჯილდო - საერთაშორისო ოლიმპიური კომიტეტის ორდენი - მან სიკვდილის შემდეგ მიიღო.

მისი სახელის უკვდავსაყოფად გამოიცა საფოსტო მარკა, რომლის ესკიზის ავტორია შალვა ლურსმანაშვილი. 

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. - 13 გვ, 263 გვ.