ქეთევან არახამია - გრანტი

დაიბადა ოჩამჩირეში. მოჭადრაკე. საერთაშორისო დიდოსტატი (1987). საჭადრაკო ოლიმპიადების ორგზის ჩემპიონი (1994, 96), მეორე (1990, სსრკ ნაკრებში) და მესამე (1998) პრიზიორი – 1990 და 1996 წლებში თავის დაფებზე მოიპოვა მცირე ოქროს მედლები (12-იდან 12 და 10-იდან 8). ევროპის გუნდური ჩემპიონატის გამარჯვებული (1997) და მეორე პრიზიორი (1992), ევროპის პირადი ჩემპიონატის მესამე პრიზიორი (2001). მსოფლიოს ჩემპიონი 20 წლამდელთა გოგონათა შორის (1985). საქართველოს სამგზის (1983, 84, 90), სსრკ (1990) და დიდი ბრიტანეთის (2003) ჩემპიონი, შოტლანდიის ჩემპიონი კაცთა შორის (2003). ვახტანგ გორგასლის III ხარისხის ორდენის კავალერი. 1996 წლიდან ცხოვრობს შოტლანდიაში – მისი მეუღლეა იქაური მოჭადრაკე ჯონათან გრანტი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  315 გვ.