
	English Georgian

The Biographical Dictionary of Georgian Athletes covers Georgians and citizens of Georgia who played an important role in the history of Georgian sport and won at least one prize in any sport competition. The Biographical Dictionary contains winners of Georgian and International competitions, including Soviet Games and Spartakiads.

The project aims at publishing the biographies of all Georgian athletes.

Suggest a Biography

Correction

გიორგი მერკვილაძე

Date of birth:	1 August, 1898
Date of death:	7 May, 1987 (at 88 years)
Category:	Gymnastics

Biography

დაიბადა სოფელ შილდაში (ყვარელი). ცნობილი ტანმოვარჯიშე და სპორტის მოღვაწე, ფიზკულტურულ-სპორტული მოძრაობის ორგანიზატორი, ბავშვთა ფიზიკური აღზრდისა და სპორტის ნოვატორი. ვარჯიშობდა გიორგი ეგნატაშვილის ხელმძღვანელობით, მუშაობდა მწვრთნელად, აღზარდა არაერთი ცნობილი ტანმოვარჯიშე. იყო აჭარის ფიზკულტურის უმაღლესი საბჭოს თავმჯდომარე და “შევარდნის” უფროსი, ფიზკულტურის სამეცნიერო-კვლევითი ინსტიტუტის დირექტორის მოადგილე, საქართველოს ფიზკულტურის უმაღლესი საბჭოს წევრი. მისი თაოსნობით შეიქმნა თსუ-ის ფიზკულტურის ფაკულტეტი (1933), თბილისში გაიხსნა ბავშვთა პირველი სპორტული სკოლა (1934) და სპორტული პროფილის სკოლა-ინტერნატი (1958), დაინერგა საწარმოო ტანვარჯიში, აშენდა სპორტული ბაზები. 32 წლის განმავლობაში მუშაობდა საქართველოს განათლების სამინისტროს ფიზაღზრდის ინსპექციის უფროსად და მეთოდკაბინეტის გამგედ, ხელმძღვანელობდა ქართული სპორტული ტერმინოლოგიის დამდგენ მუდმივმოქმედ კომისიას, გამოაქვეყნა 40-მდე სამეცნიერო-მეთოდური ნაშრომი. სსრკ სპორტის დამსახურებული ოსტატი, საქართველოს დამსახურებული მასწავლებელი, ფიზიკური კულტურისა და სპორტის დამსახურებული მუშაკი, იაკობ გოგებაშვილის სახელობის მედლის კავალერი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. - 322 გვ.