ვასილ ელაშვილი

საქართველოს ფიზიკური კულტურისა და სპორტის დამსახურებული მუშაკი, პედაგოგიკის მეცნიერებათა აკადემიის აკადემიკოსი, პედაგოგიკის მეცნიერებათა დოქტორი, პროფესორი,150-მდე სამეცნიერო შრომის ავტორი. სერიოზული გამოკვლევები მიუძღვნა ფიზიკური კულტურისა და სპორტის თეორიისა და მეთოდიკის საკითხებს. 26 წლის განმავლობაში ხელმძღვანელობდა საქართველოს ფიზიკური კულტურის სახელმწიფო ინსტიტუტის ფიზიკური აღზრდის თეორიისა და მეთოდიკის კათედრას, საფუძვლიანად გამოიკვლია ქართული ხალხური სპორტი, მათ შორის – საბრძოლო ხელოვნების უძველესი სახეობები. ამ თემატიკას მიუძღვნა არაერთი წიგნი და მონოგრაფია. 1980 წელს აირჩიეს იუნესკოს ფიზიკური აღზრდისა და სპორტის კომისის წევრ-კორესპონდენტად.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  323 გვ.