გურამ რატიშვილი

დაიბადა თბილისში. საქართველოს სპორტის აკადემიის ჭიდაობის სახეობათა კათედრის გამგე (1983 წლიდან), დოცენტი. იყო სსრკ თავისუფალი და ბერძნულ-რომაული სტილით მოჭიდავეთა ნაკრების კომპლექსური სამეცნიერო ჯგუფის წევრი (1962-70), სსრკ ძიუდოისტთა ნაკრების კომპლექსური სამეცნიერო ჯგუფის ხელმძღვანელი (1970-73) და წევრი (1973-84). უშუალოდ მონაწილეობდა ოლიმპიურ ჩემპიონ შოთა ჩოჩიშვილისა და ოლიმპიადის ვერცხლის პრიზიორ რამაზ ხარშილაძის მომზადებაში. 1985 წლიდან საქართველოს ბერძნულ-რომაული სტილით მოჭიდავეთა ნაკრების მეცნიერ-კონსულტანტია. საქართველოს დამსახურებული მწვრთნელი და სპორტის დამსახურებული მუშაკი, ღირსების ორდენის კავალერი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  323 გვ.