ანატოლი ფიოდოროვი

 დაიბადა თბილისში. ფარიკაობის მწვრთნელი. საქართველოში ფარიკაობის ერთ-ერთი ფუძემდებელი. უპირატესობას ანიჭებდა ფარიკაობის ფრანგულ სტილს. საქართველოში სპორტის ამ სახეობის განვითარების მიზნით თბილისის მოსწავლეთა სასახლეში დააარსა ფარიკაობის სკოლა, რომლის ხელმძღვანელადაც მუშაობდა 1948-60 წლებში. იყო საქართველოს ახალგაზრდული ნაკრების მთავარი მწვრთნელი (1952-59). მისი აღზრდილები არიან: რეზო ცირეკიძე, იური ოსიპოვი, გოგი გოგელია, გურამ ჯაიანი, იზოლდა ესაიაშვილი და ზინაიდა კვერენჩხილაძე. სსრკ დამსახურებული მწვრთნელი.

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  324 გვ.