რევაზ გოგეშვილი

რევაზ გოგეშვილი დაიბადა 1934წ-14ივნისს ლანჩხუთის რ-ნის სოფელ ნიგოითში. სპორტულ სიარულში სსრკ-ის სპორტის ოსტატი. (1962)-წელს დაამთავრა საქართველოს სახელმწიფო ფიზიკური აღზრდისა და სპორტის ინსტიტუტი. (1962-1967)-წლებში თბილისის ტრანსპორტელთა სპორტულ კლუბში "სინათლე" მუშაობდა ინსტრუქტორ მეთოდისტად. (1967-1970)-წლებში მუშაობდა საქართველოს პოლიტექნიკურ ინსტიტუტში უფროს მასწავლებლად ფიზიკური არზრდისა და სპორტის კათედრაზე. (1970-1985)-წლებში იყო თბილისის განათლების განყოფილების მძლეოსნობის სპორტული სკოლის სასწავლო ნაწილის გამგე, (1985-1989)-წლებში ამავე სკოლის უფროსი მეთოდისტი, ხოლო (1989-2007)-წლამდე დირექტორი. ხსენებულმა სპორტსკოლამ ნაყოფიერი მუშაობით საქვეყნოდ გაითქვა სახელი. რევაზ გოგეშვილის უშუალო ხელმძღვანელობით აქ აღიზარდნენ ისეთი ცნობილი მძლეოსნები, როგორიც იყვნენ: სსრკ-ის მოსწავლეთა სპარტაკიადის ჩემპიონები სვეტლანა ხრიპკო, ალექსანდრე სხირტლაძე, სსრკ-ის ჩემპიონი და საერთაშორისო შეჯიბრებების გამარჯვებული ოლეგ სტრიჟაკოვი, სსრკ-ის კავშირის ჩემპიონი ნინო ონაშვილი და სხვები. პიონერულ ოთხჭიდში სკოლის არსაზრდელთა გუნდმა პირველობა მოიპოვა არტეკის საერთაშორისო შეჯიბრებაში.