The National Library of Georgia Home - About Library - E-Resources 
  Login
Georgian Athletes  
English   Georgian
HomeCategories  
Search
Person Name:

The Biographical Dictionary of Georgian Athletes covers Georgians and citizens of Georgia who played an important role in the history of Georgian sport and won at least one prize in any sport competition. The Biographical Dictionary contains winners of Georgian and International competitions, including Soviet Games and Spartakiads.

The project aims at publishing the biographies of all Georgian athletes.

Suggest a Biography
Correction

ტიტე ჯორჯიკია

ტიტე ჯორჯიკია
Date of birth:18 April, 1918
Date of death:7 September, 2001  (at 83 years)
Burial location:მუხათგვერდის სასაფლაო, თბილისი
Category:Foodball

Biography

ტიტე პროკოფის-ძე ჯორჯიკია დაიბადა ქ. ფოთში. ფეხბურთის თამაში დაიწყო იქვე. 1933 წლიდან 15 წლისა  უკვე ფოთის ნაკრები გუნდის შემადგენლობაშია. სპორტში მან ფეხი აიდგა ისეთი ცნობილი ოსტატების გვერდით, როგორებიც იყვნენ შემდგომში დინამოელთა პირველი თაობის კორიფეები ბ. პაიჭაძე, ვ. ბერძენიშვილი, გ. გაგუა, ვ. ჯორბენაძე და სხვები. 1936 წელს მან ჩააბარა თბილისის სახ. უნივერსიტეტის (ახლა ივ. ჯავახიშვილის სახელობის სახ. უნივერსიტეტი) ეკონომიკის ფაკულტეტზე. პარალელურად თამაშობდა თსუ-ს კალათბურთისა და ფეხბურთის ნაკრებ გუნდებში. 1939 წლიდან ბ. პაიჭაძის სურვილითა და უშუალო ინიციატივით გადაიყვანეს თბილისის დინამოში. აქ მან მალევე დაიმკვიდრა ადგილი ძირითად შემადგენლობაში. თამაშობდა მარცხენა გარემარბის (რუსულად მისი სათამაშო პოზიცია ასე იწერება წყაროში: „левый полукрайний нападения Т. Джорджикия.) პოზიციაზე. 1939 და 1940 წლებში ორგზის იყო საბჭოთა კავშირის საფეხბურთო ჩემპიონატის ვერცხლის მედლის მფლობელი. იმის გამო, რომ მამა ყავდა რეპრესირებული, უკვე პოპულარული და ძალზე პერსპექტიული ახალგაზრდა ფეხბურთელი, მის გამოხსნას ცდილობდა და ამის გამო ხშირად უკმაყოფილებასაც გამოთქვამდა ხელისუფლების მიმართ. ამიტომ 1940 წელს, 22 წლის ასაკში ისიც დააპატიმრეს და სსრკ-ს უკიდურეს ჩრდილო-აღმოსავლეთში, მაგადანის მხარეში გადაასახლეს. 16 წელი გაატარა მან მონურ შრომაში კოლიმაზე, სადაც სხვა კატორღელებთან ერთად ოქრქს სარეწებზე ამუშავებდნენ. განთავისუფლდა ე. წ. „ხრუშჩოვის დათბობის“ ხანაში 1956 წელს. შინ დაბრუნებული ფეხბურთს აღარასოდეს გაკარებია, არც რეაბილიტაციაზე უბრძოლია ოდესმე. მუშაობდა და ცხოვრობდა რუსთავსა და თბილისში. გარდაიცვალა 2001 წლის 7 სექტემბერს 83 წლისა. დაკრძალულია ქ. თბილისში, მუხათგვერდის  სასაფლაოზე.

Member of Organizations

  • ფეხბურთის კლუბი თბილისის "დინამო", წევრი (1939-1940)

Awards and Honors

  • 1940 - მეორე ადგილი, სსრ კავშირის ჩემპიონატი
  • 1939 - მეორე ადგილი, სსრ კავშირის ჩემპიონატი
Share: