ვლადიმერ ასათიანი

დაბადების ადგილი: ქ. ფერღანა, უზბეკეთი. 

დაამთავრა პერუჯის (იტალია) სამეფო უმაღლესი ექსპერიმენტული აგროქიმიის ინსტიტუტი 1923 წელს.

1923-1926წწ. მუშაობდა პარიზის, სტრასბურგის, შარლოტენბურგის უნივერსიტეტებში. 1926 წლიდან თბილისის სახელმწიფო უნივერსიტეტის სამედიცინო ფაკულტეტის ორგანული და ფიზიოლოგიური ქიმიის კათედრაზეა. 1948 წლიდან თბილისის სამედიცინო ინსტიტუტის ორგანული და სასამართლო ქიმიის კათედრის გამგეა, 1931-1933წწ. ანასეულის ჩაის მეურნეობის სრულიად საკავშირო სასოფლო-სამეურნეო ინსტიტუტის დაარსების ერთ-ერთი ორგანიზატორი და დირექტორის მოადგილე, 1933-1939წწ. ტუბერკულოზის სამეცნიერო-კვლევითი ინსტიტუტის დირექტორი, 1964 წლიდან საქართველოს მეცნიერებათა აკადემიის ფარმაკოქიმიურის ინსტიტუტის დირექტორი. ბევრი სამეცნიერო ნაშრომის, სახელმძღვანელოებისა და მონოგრაფიების ავტორი. ბიოლოგიურ მეცნიერებათა დოქტორი (1931)., პროფესორი (1931), საქართველოს მეცნიერებათა აკადემიის აკადემიკოსი (1960). მთის კლიმატის ბიოქიმიის, ბიოლოგიურად აქტიურ ბუნებრივ ნივთიერებათა ქიმიისა და ბიოქიმიის ფარმაკოლოგიური ფუძემდებელი საქართველოში; პროფესორ არჩილ ასათიანის მამა. ბიოქიმიკოსი. 

წყარო: ქართული საბჭოთა ენციკლოპედია : ტ.1.-თბ., 1975.-გვ.621; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.614

• დიდი სამედიცინო ენციკლოპედია, მთავარი სარედაქციო კოლეგიის წევრი
• საქართველოს მეცნიერებათა აკადემია, აკადემიკოსი (1960-)
• საქართველოს მეცნიერებათა აკადემიის ბიოქიმიის საზოგადოება, დამაარსებელი და თავმჯდომარე
• ქართული საბჭოთა ენციკლოპედია, მთავარი სარედაქციო კოლეგიის წევრი

• 1971 - პეტრე მელიქიშვილის სახელობის პრემია
• 1970 - სსრკ სახელმწიფო პრემია
• 1955 - საქართველოს მეცნიერებათა დამსახურებული მოღვაწე
• ლენინის ორდენი

• ქიმია და მედიცინა (ავტორი). - თბილისი, საბჭ. საქართველო, 1965. - 35გვ.
• ბიოლოგიური კატალიზატორები (ავტორი). - თბილისი, საქ. სსრ მეცნ. აკად. გამ-ბა , 1961. - 111გვ.
• თანამედროვე ბიოქიმია (ავტორი). - თბილისი, საქ. სსრ პოლიტ. და მეცნ. ცოდნის გამავრც. საზ-ბა, 1961. - 37გვ.