
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

გურამ თევზაძე

Date of birth:	30 January, 1932
Date of death:	31 August, 2018 (at 86 years)
Category:	Scientist, Educator, Philosopher

Biography

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოსიფია-ფსიქოლოგიის ფაკულტეტი 1954 წელს.

1958 წლიდან საქართველოს მეცნიერებათა აკადემიის ს. წერეთლის სახელობის ფილოსოფიის ინსტიტუტის მეცნიერ-თანამშრომელი; 1959-1965წწ. უფროსი მეცნიერ-თანამშრომელი; 1966-1971წწ. ამავე ინსტიტუტის ფილოსოფიის ისტორიის განყოფილების გამგე; 1971-2005წწ. თბილისის სახელმწიფო უნივერსიტეტის ფილოსოფიის კათედრის გამგე; 1993-2007წწ. საქართველოს მეცნიერებათა აკადემიის საზოგადოებრივ მეცნიერებათა განყოფილების აკადემიკოს-მდივანი; 2002 წლიდან 2018 წლამდე იყო საქართველოს მეცნიერებათა ეროვნული აკადემიის ვიცე-პრეზიდენტი; სამეცნიერო კვლევის ძირითადი მიმართულებები: ქართული ფილოსოფიის ისტორია, კლასიკური გერმანული ფილოსოფია და მისი გავლენა მსოფლიო კულტურაზე; გ. თევზაძემ ქართულ ფილოსოფიაში დააყენა კაპადოკიური რენესანსის პრობლემა, ანალოგიისა და ადამიანის დანიშნულების პრობლემები იოანე პეტრიწთან; ახლებურად გაიაზრა სისტემის, როგორც ორგანიზმის საკითხი კანტის ფილოსოფიაში; განსაზღვრა იოჰან ბაპტისტ შადის ადგილი გერმანულ კლასიკაში; წამოაყენა გერმანული ნეოკანტიანელობის ახალი განმარტება, ასევე ირაციონალიზმის, როგორც გონების თვითკრიტიკის, პრობლემა; მონაწილეობდა იმანუელ კანტის III, V, VII საერთაშორისო კონგრესების მუშაობაში; კითხულობდა სპეცკურსს "კანტის წმინდა გონების კრიტიკაზე" მოსკოვის სახელმწიფო უნივერსიტეტში (1981), ასევე ლექციების კურსს (იმანუელ კანტი, გეორგ ჰეგელი, ნიკოლაი ჰარტმანი ) ქ. ჩანჩუნის უნივერსიტეტში (1990), ხელმძღვანელობდა ფილოსოფიის საზაფხულო სკოლას ქ. ვილნიუსში (1986); გამოქვეყნებილი აქვს 218 ნაშრომი, მათ შორის, 9 მონოგრაფია. ფილოსოფიის მეცნიერებათა დოქტორი (1963), პროფესორი (1970), ფილოლოგ რუსუდან ენუქიძის მეუღლე და სოციოლოგ გიგი თევზაძის მამა.

საკანდიდატო დისერტაცი თემა - "თავისუფლებისა და აუცილებლობის პრობლემა", დაიცვა 1958 წელს; სადოქტორო დისერტაციის თემა - "გერმანული ნეოკანტიანელობის შემეცნების თეორია", დაიცვა 1963 წელს.

წყარო: საქართველო: ენციკლოპედია: ტ. III.–თბ., 2014.–გვ.645; burusi.wordpress.com

Member of Organizations

საქართველოს მეცნიერებათა ეროვნული აკადემია, ვიცე-პრეზიდენტი (2002-)
საქართველოს მეცნიერებათა ეროვნული აკადემია, აკადემიკოსი (1993-)
საქართველოს მეცნიერებათა ეროვნული აკადემია, წევრ-კორესპონდენტი (1988-)
საქართველოს მეცნიერებათა ეროვნული აკადემია, აკადემიური საბჭოს წევრი

Awards and Honors

2002 - ღირსების ორდენი
1998 - ივანე ჯავახიშვილის სახელობის მედალი

Bibliography

ილია ჭავჭავაძე და ახალი აზროვნება : შესაძლებლობა და სინამდვილე ი. ჭავჭავაძის ისტორიის ფილოსოფიაში (Author). - თბილისი, თბილისი : Carpe diem, 2010. - 48გვ.. - ISBN: 978-9941-02849-6
აღორძინების ეპოქის ფილოსოფია = Philosophy of the renaissance era : მარსილიო ფიჩინოდან იაკობ ბოემემდე (Author). - თბილისი, ნეკერი, 2008. - 254გვ.. - ISBN: 978-9941-404-13-9
იოანე პეტრიწი = Joane Petrizi (Author). - თბილისი, ნეკერი, 2006. - 24გვ.. - ISBN: 99940-890-4-8
ვალენტინ ვაიგელი = Valentin Weigel : პროტესტანტი მღვდლის ფილოსოფიური თეოლოგია (Author). - თბილისი, ნეკერი, 2006. - 44გვ.. - ISBN: 99940-890-5-6
კანტი და ფიხტე გოეთეს "ფაუსტში" = Kant und Fichte in Goethes "Faust" (Author). - თბილისი, საქ. მეცნ. აკად., 2002. - 24გვ.
XX საუკუნის ფილოსოფიის ისტორია (Author). - თბილისი, სახ. უნ-ტის გამ-ბა, 2002. - 608გვ.. - ISBN: 99928-911-1-4
ანტიკური ფილოსოფია (Author). - თბილისი, მეცნიერება, 1995. - 168გვ.
გერმანული ნეოკანტიანელობის შემეცნების თეორია (Author). - თბილისი, საქ. სსრ მეცნ. აკად. გამ-ბა, 1963. - 349გვ.