
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ანზორ ერქომაიშვილი

Date of birth:	10 August, 1940
Date of death:	31 March, 2021 (at 80 years)
Burial location:	მთაწმინდის პანთეონი, თბილისი
Category:	Musician, Politician, Folklorist, Entertainer

Biography

დაბადების ადგილი: ქ. ბათუმი.

დაამთავრა თბილისის სახელმწიფო კონსერვატორიის საგუნდო-სადირიჟორო ფაკულტეტი 1969 წელს; ასპირანტურა ხალხური მუსიკის შემოქმედების სპეციალობით (ხელმძღვ. – შ. ასლანიშვილი) 1976 წელს.

1967-1971წწ. იყო საქართველოს ტელევიზიის ტელეფილმის რედაქციის რედაქტორი, რუსთავის მუსიკალური სასწავლებლის დირექტორი, ტელეგადაცემათა ციკლის "100 ქართული ხალხური სიმღერა" წამყვანი; 1968 წელს ჩამოაყალიბა სახელმწიფო ფოლკლორული ანსამბლი "რუსთავი"; 1983–1996წწ. უცხოური ფირმებისთვის ჩაწერა 300-ზე მეტი ქართული ხალხური სიმღერა, რომლებიც კომპაქტური დისკების სახით ვრცელდება მთელ მსოფლიოში; 1976 წელს ჩამოაყალიბა ბიჭუნათა ფოლკლორული ანსამბლი "მართვე", რომელსაც 2000 წლამდემდე ხელმძღვანელობდა; 1994 წელს ანსამბლის ბაზაზე შეიქმნა მოსწავლეთა სასახლე; აღსანიშნავია ა. ერქომაიშვილის, როგორც ხალხური მუსიკის შემკრების, დამსახურება; მან 1972-იდან მსოფლიოს მრავალი ქვეყნის არქივში (მოსკოვი, სანქტ-პეტერბურგი, კრასნოგორსკი, რიგა, თბილისი), მიაკვლია 500-ზე მეტი ქართული ხალხური სიმღერის ფონოგრამას, შესრულებულს 1907-იდან 1930 წლამდე; მათი რესტავრაციის შემდეგ ფირმა "მელოდიაში" გამოსცა 5 ფირფიტა გამოკვლევებითურთ; 1992 წელს ლონდონის მუსიკალურ არქივში მიაკვლია 1902–1914 წწ. ინგლისური ფირმების მიერ გრამფირფიტებზე ჩაწერილ 127 ქართულ ხალხურ სიმღერას; აქვე აღმოაჩინა ვ. სარაჯიშვილის ჩანაწერების მატრიცები (დედნები), რომელთა მეშვეობითაც (ნ. ანდღულაძის მონაწილეობით) მოხერხდა მომღერლის პირვანდელი სრულყოფილი ხმის აღდგენა; 1985–1989წწ. მოიწვია საქართველოს სხვადასხვა კუთხის ცნობილი მომღერლები და ფირმა "მელოდიაში" ჩაწერა 100-ზე მეტი ქართული ხალხალხური სიმღერა; ფირებზე ჩაწერილია როგორც ყველა ხმა ერთად, ისე თითოეული ცალკ-ცალკე, სადაც ნათლად ჩანს თითოეული მომღერლის საშემსრულებლო მანერა; აღადგინა, გამოსცა და მომავალ თაობებს გააცნო ვ. სარაჯიშვილის, ა. ინაშვილის, ნ. ქუმსიაშვილის, ა. კავსაძის, ვ. სიმონიშვილის, ა. მეგრელიძის, ნ. ხურციას, კ. პაჭკორიას, მ. ე. თარხნიშვილის, ა. ერქომაიშვილის, ვ. მჭედლიშვილისა და სხვა ცნობილ მომღერალთა ხელოვნება. მანვე მოიძია ა. წერეთლის აუდიოჩანაწერები; ავტორია წიგნებისა: "ბაბუა" (1980; ეძღვნება არტემ ერქომაიშვილის ცხოვრებას), "შავი შაშვი ჩიოდა" (1989), "ძველი სიმღერების კვალდაკვალ" (1979). მუსიკალურად გააფორმა ოცამდე კინოფილმი და სპეკტაკლი; 2001 წელს მისი ინიციატივით და იუნესკოს ხელშეწყობით ჩამოყალიბდა ქართული ხალხური სიმღერის საერთაშორისო ცენტრი, მომზადდა და გამოიცა (2006) XX საუკუნის ანთოლოგიის (1901–2001), ერთი ნაწილი (1901–1914), რომელშიც შედის ქართული ხალხური სიმღერებისა და საშემსრულებლო ხელოვნების საუკეთესო ნიმუშები; 2008-2012წწ. საქართველოს მე-7 მოწვევის პარლამენტის წევრი: საარჩევნო ბლოკი: "ერთიანი ნაციონალური მოძრაობა - გამარჯვებული საქართველოსთვის", საარჩევნო ფორმა: მაჟორიტარული, მაჟორიტარი N60 ოზურგუთის საარჩევნო ოლქიდან; არის სტუდენტთა და ახალგაზრდობის მუსიკალური ფესტივალის ოქროს მედლის მფლობელი და საერთაშორისო მუსიკალური ფესტივალის ლაურეატი; 2021 წლის 8 აპრილიდან ფოლკლორის სახელმწიფო ცენტრს მისი სახელი მიენიჭა. მომღერალი, საგუნდო დირიჟორი, ლოტბარი, ხალხური სიმღერების შემკრები, ცნობილი კომპოზიტორის, ლოტბარისა და მომღერლის არტემ ერქომაიშვილის შვილიშვილი და მოწაფე.

წყარო: საქართველო : ენციკლოპედია: georgianencyclopedia.ge; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.157; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.2004; ქართული მუსიკის ენციკლოპედიური ლექსიკონი. – თბ., 2015. – გვ. 167

Member of Organizations

საქართველოს კოპოზიტორთა კავშირი, მდივანი (1995-)
საქართველოს მე-7 მოწვევის პარლამენტი, წევრი (2008-2009)
საქართველოს მე-7 მოწვევის პარლამენტის განათლების, მეცნიერებისა და კულტურის კომიტეტი, წევრი (2008-2009)
საქართველოს მე-7 მოწვევის პარლამენტის ფრაქცია "ერთიანი ნაციონალური მოძრაობა", წევრი (2008-2009)

Awards and Honors

2020 - ბრწყინვალების საპრეზიდენტო ორდენი
ქართული საგუნდო მუსიკის, ფოლკლორის განვითარებისა და პოპულარიზაციის საქმეში შეტანილი განსაკუთრებული წვლილისათვის, ნაყოფიერი პედაგოგიური, საზოგადოებრივი მოღვაწეობისა და ქვეყნის წინაშე აღმატებული ღვაწლისათვის
2015 - თბილისის საპატიო მოქალაქე
2010 - პატრიარქის წმინდა გიორგის ორდენი
2008 - დიმიტრი არაყიშვილის სახელობის პრემია
2005 - ღირსების ორდენი
2004 - ილია ჭავჭავაძის მედალი, "მარად და ყველგან,საქართველოვ, მე ვარ შენთანა"
ქართული კულტურისა და სულიერების წინაშე განსაკუთრებული ღვაწლისათვის
2003 - წლის ადამიანი
2001 - საპატიო დოქტორის წოდება
2000 - ნიკო ბერძენიშვილის სახელობის პრემია
1996 - საქართველოს სახელმწიფო პრემია
1993 - იაკობ გოგებაშვილის სახელობის პრემია
1988 - შოთა რუსთაველის სახელობის სახელმწიფო პრემია
1983 - ალბერტ შვაიცერის სახელობის საერთაშორისო პრემია (ანსამბლ "რუსთავთან" ერთად)
1981 - ზაქარია ფალიაშვილის სახელობის პრემია
ივანე ჯავახიშვილის სახელობის პრემია
ექვთიმე თაყაიშვილის სახელობის პრემია

Bibliography

ქართული ფონოჩანაწერები უცხოეთში = Georgian Pohonoghram Recordings Abroad (Author). - თბილისი, 2007. - 328გვ.
მივალ გურიაში, მარა... : წერილები (Author). - თბილისი, საქართველოს მაცნე, 2006. - 248გვ.
პირველი ფონოჩანაწერები საქართველოში (1901-1930-იანი წლები) : კატალოგი (Author). - თბილისი, 2001. - 178გვ.
შავი შაშვი ჩიოდა : მოთხრობები (Author). - თბილისი, ნაკადული, 1988. - 132გვ.