შალვა თაქთაქიშვილი

დაბადების ადგილი: სოფელი ქვემო ხვითი, გორის რაიონი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1928 წელს (პედ. ს. ვ. ბარხუდარიანი).

წლების მანძილზე საქართველოს სიმფონიური ორკესტრის მევიოლინე, სიმებიანი კვარტეტის წევრი; 1936-1938წწ. საქართველოს რადიოკომიტეტის საგუნდო ანსამბლის დირიჟორი და ხელმძღვანელი; 1939-1939წწ. ამიერკავკასიის წითელარმიელთა სიმღერისა და ცეკვის ანსამბლის მხატვრული ხელმძღვანელი; 1928 წლიდან ეწეოდა პედაგოგიურ მოღვაწეობას საქართველოს სხვადასხვა მუსიკალურ სასწავლებლებში; 1929 წელს ბათუმის მუსიკალური სასწავლებლის დამაარსებელთაგანი (მ. ბალანჩივაძესთან ერთად), დირექტორი და პედაგოგი; 1937 წელს თბილისის სახელმწიფო კონსერვატორიის საოპერო კლასისი დამაარსებელი; 1937-1965წწ. თბილისის სახელმწიფო კონსერვატორიის პედაგოგი (საოპერო კლასის), პროფესორი (1941); 1952 წლიდან საქართველოს საგუნდო კაპელის დირიჟორი; შექმნილი აქვს ოპერები: საბავშვო: "ყვავილთა სამყარო" (1922),"პირველი მაისი" (1924), "შემოდგომა" (1925), "განთიადი" (1923, პემ. ოპერის თეატრში 10.04.1927), "დეპუტატი" (1939, პირველი ქართული ოპერა თანამედროვეობის თემაზე, პრემიერა შედგა 29.04.1940), "ოთარაანთ ქვრივი" (1942); ბალეტი: "მალთაყვა" (1932, პირველი ქართული ბალეტი თანამედროვეობის თემაზე, პრემიერა შედგა 30.04.1938), ტანვარჯიშული სპექტაკლი "ელადა" (1928); სიმფონიური ნაწარმოები: პოემა "1905 წელი" (1931), ორი "საზეიმო უვერტიურა" (1933, 1944), სიმფონიეტა (1953); ინსტრუმენტული კონცერტები: ვიოლონჩელო (1932), სიმებიანი კვარტეტი N1 (1931, 4 ნაწილი, პირველი შესრულება 28.02.1933), N2 (1933); საფორტეპიანო ტრიო N1 (19444), N2 (1946); კამერულ-ინსტრუმენტული: საფორტეპიონო: "საბავშვო ალბომი" (1943), "ბუნების სურათები" (1943), სონატა (1952), ვარიაციები (1945); სავიოლინე პიესები; ვიოლონჩელოს სონატა (1942), "მწუხარება"; ხალხური სიმღერები ვიოლონჩელოსა და ორკესტრისთვის: "ოროველა", "ურმული", "ნანა"; სიმღერა - რომანსი, მათ შორის: "რისთვის მიყვარხარ", "სამაისო სიმღერა", "პატარა ქართველს", "გმირს", "არ დაიდარდო, დედაო" (ი.ჭავჭავაძის, გ. ტაბიძის, ა. წერეთლის, ს. ჩიქოვანის, გ. ლეონიძის და სხვ. ლექსებზე); გუნდები, მარშები სასულე ორკესტრისთვის: "კავკასიის გმირებს" (1942), "საზეიმო" (1945), "მშობლიური ველები" (1952); საბავშვო საფორტეპიანო პიესები და სხვ.; შეადგინა ხალხური სიმღერების კრებული: "წითელარმიელებისათვის" (1926), "პიონერების სიმღერები" (1927), "საბავშვო საგუნდო სიმღერები" (1939). ვიოლონჩელისტ გიორგი თაქთაქიშვილის ძმა, მომღერალ თამარ თაქთაქიშვილის მამა.

წყარო: ქართული მუსიკის ენციკლოპედიური ლექსიკონი. – თბ., 2015. – გვ.199; ქართული საბჭოთა ენციკლოპედია: ტ.4.- თბ.,1979.-გვ.-592; საქართველო: ენციკლოპედია: ტ.3. -თბ.,2014. -გვ.482

• 1949 - საქართველოს ხელოვნების დამსახურებული მოღვაწე