
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ტატიანა შატილოვა

Date of birth:	27 May, 1913
Date of death:	28 January, 2006 (at 92 years)
Burial location:	ვაკის სასაფლაო, თბილისი
Category:	Medical Doctor, Scientist, Educator, Public Man

Biography

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1936 წელს.

1941–1944წწ. მონაწილეობდა დიდ სამამულო ომში, მედიცინის სამსახურის კაპიტნის წოდებით; 1964–1988წწ. იყო თბილისის სახელმწიფო სამედიცინო ინსტიუტის თვალის სნეულებათა კათედრის ორდინატორი, ასისტენტი, დოცენტი, პროფესორი, კათედრის გამგე; 1953–1960წწ. რიაზანის პავლოვის სახელობის სამედიცინო ინსტიუტის თვალის სნეულებათა კათედრის გამგე; 1988 წლიდან თბილისის სახელმწიფო სამედიცინო უნივერსიტეტის თვალის სნეულებათა კათედრის პროფესორი. მან თვალის კლინიკის უფროს ლაბორანტად მუშაობის პერიოდში ჩამოაყალიბა კლინიკაში პათოლოგ-ჰისტოლოგიის ლაბორატორია. ამავე დროს მუშაობდა კლინიკაში თვალის ნტუბერკულიოზით დაავადებულთა კაბინეტში. ასევე დაკავებული იყო IV სამკურნალო სამმართველოს საავადმყოფო-პოლიკლინიკურ გაერთიანებაში; თბილისის თვალის დისპანსერში, ბავშვთა რესპუბლიკურ საავადმყოფოში და რკინიგზის თვალისგანყოფილებაში. იგი, აწარმოებდა შემოვლებს, აკეთებდა ოპერაციებს და ა.შ. ავტორია 160 სამეცნიერო ნაშრომის. მისმა შრომებმა ბევრი სიახლე შეიტანა ოფთალმოლოგიის აქტუალურ პრობლემებში, მათ შორის გლაუკომის პათოგენეზისა და მკურნალობის საკითხებში. მისი შრომები საყოველთაოდ აღიარებულია და შეტანილია მოსკოვში გამოცემულ მრავალტომიან სახელმძღვანელოში . იგი ავტორია ორი ორიგინალური ოპერაციისა, როსთვისაც საკავშირო ჯანდაცვის სამინისტროდან მიეცა გამომგონებლის წოდება და სამკერდე ნიშანი. ოფთალმოლოგიაში პირველმა აღმოაჩინა ტენზიორეცეპტორული ველი, შექმნა ახალი გამოკვლევის მეთოდი – "ელექტროცილიოგრაფია". ეკუთვნის იდეა სპეციფიკური სტიმულაციის ორგანოს რეგენერაციისთვის. 2002 წელს აშშ-ის ბიოგრაფიის ინსტიტუტმა წლის ადამიანების სიაში შეიყვანა და წლის ქალად დაასახელა. ოფთალმოლოგი, მედიცინის მეცნიერებათა დოქტორი, პროფესორი. ოფთალმოლოგ ალექსანდრე შატილოვის შვილი.

საკანდიდატო დისერტაციის თემა - "თვალის ტუბერკულოზური დაავადებანი და მათი მკურნალობა ანატუბერკულოინით", დაიცვა 1946 წელს; სადოქტორო დისერტაციის თემა - "თვალის სისხლძარღვთა და ნერვების ცვლილებების მნიშვნელობა გლაუკომის პათოგენეზისათვის", დაიცვა 1959 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.308; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.357; ტატიანა შატილოვა – საქართველოში აკადემიური ოფთალმოლოგიის ფუძემდებელი / მარი აშუღაშვილი //ავერსი.-თბილისი,2020.-№182; საქართველოს სამედიცინო კალენდარი, 2010 წელი / ჯ. ქორჩილავა. თბ.,2010.-გვ.339-341

Member of Organizations

თბილისის ექიმთა დახელოვნების სახელმწიფო ინსტიტუტთან არსებული საკვალიფიკაციო საბჭო, წევრი
თბილისის ოფთალმოლოგთა საზოგადოება, თავმჯდომარე (1964-)
ნიუ–იორკის სამედიცინო აკადემია (1998-)
საკავშირო ოფთალმოლოგთა საზოგადოება, წევრი
საქართველოს მედიკობიოლოგიური აკადემია, ნამდვილი წევრი
საქართველოს მეცნიერებათა აკადემიასთან არსებული გერონტოლოგთა და გერიატრთა საზოგადოების საბჭო, წევრი
საქართველოს ოფთალმოლოგთა ასოციაცია, წევრი
საქართველოს ჯანმრთელობის დაცვის სამინისტროსთან არსებული გლაუკომასთან ბრძოლისა კომიტეტი, თავმჯდომარე
ქ. რიაზანის (რსფსრ) საოლქო ოფთალმოლოგთა საზოგადოება, თავმჯდომარე

Awards and Honors

1998 - ღირსების ორდენი
მოსახლეობის ჯანმრთელობის დაცვაში შეტანილი პირადი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისათვისა და ნაყოფიერი მოღვაწეობისათვის
1976 - საქართველოს მეცნიერებათა დამსახურებული მოღვაწე
1971 - შრომის წითელი დროშის ორდენი
1945 - მედალი "კავკასიის დაცვისთვის"
მედალი "ჯანმრთელობის დაცვის ფრიადოსანი"
სამამულო ომის II ხარისხის ორდენი