ლიზა ჩერქეზიშვილი

დაბადების ადგილი: სოფელი კოშკა, გორის რაიონი.

პროფესიულ სცენაზე მისი დებიუტი გაიმართა 1886 წლის 15 სექტემბერს ვ. დიაჩენკოს პიესაში - "ეხლანდელი სიყვარული". თეატრში მის მიერ შესრულებული როლებია: სარა და ხანუმა (ა. ცაგარელის "ხანუმა"), ელისაბედი (რ. ერისთავის ჯერ დაიხოცნენ, მერე იქორწინეს"), კატინა (ა. ცაგარელის "რაც გინახავს, ვერარ ნახავ"), ანა ანდრეევნა (ნ. გოგოლის "რევიზორი") და სხვა. 20-იან წლებში მუშაობა დაიწყო რუსთაველის თეატრში, ხოლო 1932 წლიდან სიცოცხლის ბოლომდე კ. მარჯანიშვილის თეატრის წამყვანი მსახიობი იყო. აქ შექმნა მან ასევე დაუვიწყარი სახეები: ნენე (ზ. ანტონოვის "მზის დაბნელება საქართველოში"), ხორეშანი (შ. დადიანის "ჩატეხილი ხიდი"), მაკრინე (ლ. არდაზიანის "სოლომონ ისაკიჩ მეჯღანუაშვილი"), მარიამი (ვ. შკვარკინის "უბრალო გოგონა") და სხვები. მას საინტერესო როლები აქვს შესრულებული კინოშიც: ჯუფანა ("ვინ არის დამნაშავე?"), ხანუმა ("ხანუმა"), დედა ("ორი მონადირე"); ეპიზოდური როლები: "ჯანყი გურიაში", "ქალი გაღმიდან", "გიორგი სააკაძე" და სხვა. 60 წლის განმავლობაში ქართულ სცენაზე ელისაბედმა განასახიერა 400-მდე როლი, რითაც სამუდამოდ დაიმკვიდრა საპატიო ადგილი მშობლიური თეატრის ისტორიაში. დაჯილდოვებული იყო მედლებით. ელისაბედ ჩერქსზიშვილის მეუღლე იყო - ცნობილი ქართველი მეცნიერი, იურისტი, ისტორიკოსი, ეთნოგრაფი, პუბლიცისტი, ლიტერატურის კრიტიკოსი - ნიკოლოზ ჩერქეზიშვილი. 

წყარო: მამულიშვილთა სავანე. - თბ., 1994. - გვ.378; rezoshatakishvili.wordpress.com; ყოჩაღი გოგოები საქართველოს წარსულიდან / მარიამ ჭანჭალეიშვილი, თამთა მელაშვილი.-თბ.,2020.-გვ.18

• ლენინის ორდენი
• საპატიო ნიშნის ორდენი
• საქართველოს სახალხო არტისტი