გივი ჟვანია

დაბადების ადგილი: ქ. ფოთი.

დაამთავრა თბილისის სახელმწიფო სამედიცინო ინსტიტუტი 1949 წელს

1967-1973წწ. იყო თბილისის ექიმთა დახელოვნების ინსტიტუტის ბავშვთა ქირურგიის კათედრის დოცენტი; 1973-1992წწ. თბილისის სახელმწიფო სამედიცინო ინსტიტუტის პედიატრიული ფაკულტეტის დეკანი; 1988-1994წწ. ამავე ინსტიტუტის ბავშვთა ქირურგიის კათედრის გამგე; იყო თბილისის მთავარი ბავშვთა ქირურგი; ავტორია მრავალი სამეცნიერო ნაშრომისა: 5 მონოგრაფია, 6- მეთოდური რეკომენდაცია, 2 რაციონალიზატორული წინადადება; ბავშვთა ქირურგი, მედიცინის მეცნიერებათა დოქტორი (1975). თბილისის სახელმწიფო სამედიცინო უნივერსიტეტის პედიატრიის აკადემიური კლინიკა და ერთერთი ქუჩა თბილისში გივი ჟვანიას სახელს სახელობისაა. ნინა ჟვანიას ძმა.

წყარო: თბილისი: ენციკლოპედია.- თბ., 2002. - გვ.734-735; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.631-632; mshoblebi.ge

• ბავშვთა გულმკერდის ქირურგია : დამხმ. სახელმძღვ. (ავტორი). - თბილისი, 1990. - 89 გვ.
• თანდაყოლილი ამოვარდნილობა (დისპლაზია) მენჯ-ბარძაყის სახსარში და მისი კონსერვატული მკურნალობა (ავტორი). - თბილისი, საბჭოთა საქართველო, 1966. - 145გვ.
• მენჯ-ბარძაყის თანდაყოლილი ამოვარდნილობა და მისი მკურნალობა (თანაავტორი). - თბილისი, საბჭ. საქართველო, 1965. - 20გვ.