
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ლუი-ნაპოლეონ მიურატი

Other name:	ნაპო
Date of birth:	25 August, 1872
Date of death:	14 June, 1943 (at 70 years)
Burial location:	ნიცა, საფრანგეთი
Category:	Royalty, Military Person

Biography

დაბადების ადგილი: ქ. ბრიუნუა, საფრანგეთი.

დაამთავრა სომიურის კავალერისტთა სკოლა 1891 წელს.

1891 წლიდან მსახურობდა ფრანგული არმიის 25-ე დრაგუნთა პოლკში. 1904 წლიდან მსახურობდა რუსული ჯარის ლაიბ-გვარდიის ცხენოსანთა პოლკში. მონაწილეობდა რუსეთ-იაპონიის (1904-1905) ომში. ერთ-ერთი ბრძოლის დროს დაიჭრა. 1909-1911 წლებში მსახურობდა კავალერიის ოფიცერთა სკოლაში, საკურსო ოფიცრის თანაშემწედ. მონაწილეობდა 1914-1918 წლების პირველ მსოფლიო ომში. 1914-1915 წლებში მსახურობდა ინგუშთა ცხენოსანი პოლკის მეთაურის თანაშემწედ. 1915 წელს დაინიშნა კავალერიის ოფიცერთა სკოლის პოლკის მეთაურად. კარპატებში ბრძოლების დროს, ძლიერ მოეყინა ორივე ფეხი და ვეღარ შესძლო მიეღო მონაწილეობა ბრძოლებში. 1915-1916 წლებში იმყოფებოდა კავკასიის არმიის მთავარსარდლის განკარგულებაში. 1916-1917 წლებში მსახურობდა მე-12 დრაგუნთა პოლკის მეთაურად. რუსეთში 1917 წლის ოქტომბრის რევოლუციის შემდეგ, 1921 წლის თებერვლამდე ცხოვრობდა საქართველოში, ზუგდიდში, დედის მამულში. მსახურობდა ქართულ ჯარში. 1919 წლის 23 სექტემბერს დაინიშნა უცხო სახელმწიფოების მისიებთან კავშირის დამჭერ ოფიცერთა ჯგუფში, საკავშირო ნაწილის უფროსის თანაშემწედ. 1921 წლის თებერვალში საქართველოს გასაბჭოების შემდეგ, დაბრუნდა საფრანგეთში და ცხოვრობდა ქ. ნიცაში. ნეაპოლის მეფის მარშალ იოაჰიმ მიურატის შვილთაშვილი, სალომე დადიანისა და აშილ მიურატის შვილი, ლუსიენ შარლ დავიდ მიურატისა და ანტუანეტ კატრინ (ბებე) მიურატების ძმა. ეკატერინე ჭავჭავაძის შვილიშვილი. პოლკოვნიკი (1910), ქართველი გენერალ-მაიორი (1917).

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.79; დადიანების დინასტია: nplg.gov.ge; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

Awards and Honors

1914 - წმინდა ვლადიმირის III ხარისხის ორდენი (მახვილებით)
1905 - წმინდა ანას II ხარისხის ორდენი (მახვილებით)
1905 - წმინდა ანას III ხარისხის ორდენი (მახვილებითა და ბაფთით )
1905 - წმინდა სტანისლავის II ხარისხის ორდენი (მახვილებით)
1905 - წმინდა სტანისლავის III ხარისხის ორდენი (მახვილებითა და ბაფთით )
1905 - წმინდა ვლადიმირის IV ხარისხის ორდენი (მახვილებითა და ბაფთით )
1904 - წმინდა ანას IV ხარისხის ორდენი