მირიან მელუა

დაბადების ადგილი: სოფელი ასკანა, ოზურგეთის რაიონი.

საშუალო სასწავლებელს ამთავრებდა, როცა ეზიარა სოციალისტურ იდეებს, გახდა ახალგაზრდა სოციალისტი; ჯერ კიდევ სკოლის მოსწავლე პასუხსაგებ პარტიულ დავალებებს ასრულებდა; სამედიცინო ფაკულტეტის სტუდენტი იყო, როცა 1924 წლის აგვისტოს აჯანყებაში მონაწილეობისთვის დააპატიმრეს და მეტეხის ციხეში ჩასვეს. გათავისუფლების შემდეგ ემიგრაციაში წავიდა; ჯერ თურქეთში გადავიდა არალეგალურად, 1924 წლის დეკემბერში კი მარსელში ჩავიდა და ქარხანაში დაიწყო მუშაობა. მარსელიდან ტულუზაში გადაინაცვლა, შემდეგ სოშოში და ბოლოს პარიზში; ის ვერ შეეგუა საქართველოს ოკუპაციას; მთელი ცხოვრება შეძლებისდაგვარად იბრძოდა საბჭოთა რეჟიმის წინააღმდეგ; თავის შესაძლებლობას უშურვებლად ახმარდა ქართული ემიგრაციის ეროვნულ–პოლიტიკურ თუ კულტურულ საქმიანობას;  წლების განმავლობაში იყო ქართველ მწერალთა და ჟურნალისტთა საზოგადოების გამგეობისა და პარიზში გამომავალ ჟურნალ "სოციალისტური აზრის" (1934–1939) სარედაქციო კოლეგიის წევრი; ემიგრაცია მას უმადლის, შალვა სკამკოჩაიშვილთან ერთად, "ქართული ლექსიკონის" გამოცემას (პარიზი,1948); 1960 წლის მაისში, მიუნხენში, რუბენ ყიფიანთან ერთად გამოუცია კრებული "სოციალისტური აზრი" (დაიბეჭდა არჩილ მეტრეველის ქართულ სტამბაში). მირიან მელუას (1942-2021) მამა.
წყარო: ქართული ემიგრანტული ჟურნალისტიკის ისტორია = The history of the georgian emigrant journalism = История грузинской эмигрантской журналистики: ტ.7 / გურამ შარაძე. – თბ., 2005. – გვ. 337–341

• სოციალ–დემოკრატიული პარტია, წევრი

• საბჭოთა კავშირის 50 წელი (ავტორი). - პარიზი, 1973. - 38გვ.
• სოციალისტური აზრი. კრ. 1 (ავტორი). - მიუნხენი, არჩილ მეტრეველის ქართული სტ. მიუნხენში, 1960. - 48გვ.
• ქართული ლექსიკონი = Le DIctionnaire Georgien (ავტორი). - პარიზი, დ. ხელაძის გამოცემა, 1948. - 131 გვ.