ლიზიკო მარგველაშვილი

დაბადების ადგილი: ქ. ქუთაისი.

1922 წლიდან იმყოფებოდა ემიგრაციაში გერმანიაში; გაიზარდა ბერლინში, სადაც დაამთავრა სკოლა; არ მოიპოვება ინფორმაცია მისი უმაღლესი განათლების და სამუშაო ადგილების შესახებ; მისი ბიოგრაფიის შესახებ ცოტაა ცნობილი და გარკვეული ფაქტების რეკონსტრუქცია ოჯახში შემორჩენილი რამდენიმე წერილიდან არის შესაძლებელი; 1944 წლამდე იგი ბერლინში ცხოვრობდა; გარკვეული ხანი მუშაობდა ერთ-ერთ სამინისტროში მბეჭდავად; 1944 წელს გერმანიის საგარეო საქმეთა სამინისტროს მიერ ქართველების ჯგუფი (ძირითადად ქართულ ლეგიონში მებრძოლი პირების ოჯახის წევრები: ქალები, ბავშვები და ხანდაზმულები) გაიგზავნა იტალიაში უსაფრთხოების მიზნით; ამ ჯგუფის იტალიაში გაცილება ელიზაბეტ მარგველაშვილს ეკისრა; იტალიაში გუვერნანტად მუშაობდა ოჯახში; ასევე ბაშვებს ფლეიტაზე დაკვრას ასწავლიდა; მუშაობდა სტატისტად მხატვრულ ფილმებში, მაგ. ფილმში Caliostro. მისი შეფასებით, ეს საქმიანობა დამღლელი, მაგრამ თან სახალისო იყო; ფილმების რეჟისორი, ოლე რატოვი მას ამერიკაში გამგზავრებას სთავაზობდა, რაზეც უარი განაცხადა; იტალიურიც კარგად ისწავლა და თარჯიმნად მუშაობდა გამგზავრების სურვილის მქონე ქართველებისა და რუსებისათვი; შემდეგ გადაწყვიტა არგენტინაში გამგზავრება, რადგან იქ მისი სკოლის მეგობარი ცხოვრობდა; იქორწინა არგენტინელზე; ენების ცოდნის წყალობით თავდაპირველად მუშაობდა ფაბრიკებში, შემდეგ სხვადასხვა უცხოენოვან წიგნის მაღაზიებში და ბოლოს თვითონ გახსნა პატარა წიგნის მაღაზია; 1990-იანი წლების ბოლოს ის ორჯერ იყო ჩასული ბერლინში, სადაც თავისი ძმა, ცნობილი ფილოსოფოსი და მწერალი გივი მარგველაშვილი მოინახულა; ტიტე მარგველაშვილისა  და მარუსა (მარიამ) ხეჩინაშვილის შვილი. საქართველოში ნამყოფი არ იყო, ქართველი ემიგრანტი.

წყარო: საზოგადოებრივი არქივი: archive.ge