ლონგინოზ ჩიჯავაძე

დაბადების ადგილი: სოფელი კისისხევი, თელავის რაიონი.

1917-1921 წლებში მსახურობდა მენშევიკურ გვარდიაში პორუჩიკის წოდებით; აქტიურ მონაწილეობას იღებდა წითელი არმიის წინააღმდეგ გამოსვლებში; ლონგინოზ ჩიჯავაძემ საინჟინრო განათლება ბელგიაში, ბრიუსელში მიიღო. მის მიერ აშენებულ ობიქტებს შორის გამორჩეულია ხრამჰესის ჰიდროელექტროსადგური; 1937 წელს დააპატიმრეს, დაპატიმრების მომენტისათვის იყო ხრამჰესის მომარაგების განყოფილების ხელმძღვანელის მოადგილე. მას ბრალად ედებოდა, რომ იყო მემარჯვენე კონტრრევოლუციურ-ტერორისტული, დივერსიულ-მავნებლური ჯაშუშური ორგანიზაციის წევრი, რომელშიც გადაიბირა აწ უკვე გასამართლებულმა კონტრრევოლუციონერმა ვლადიმერ გაბრიელის ძე ჯიქიამ, რომლის დავალებითაც ლონგინოზ ჩიჯავაძე ეწეოდა აქტიურ ძირგამომთხრელ საქმიანობას ხრამჰესის მშენებლობაზე. გაასამართლეს და დახვრიტეს იმავე წელს. სოფიო-ჩიჯავაძე-კედიას და ირაკლი ჩიჯავაძის ძმა, ეთნო-მუსიკოლოგ ოთარ ჩიჯავაძის მამა. რეპრესირებული.

წყარო: საქართველოს პარლამენტის ეროვნული ბიბლიოთეკა: სტალინური სიები საქართველოდან: nplg.gov.ge;   ge.openlist.wiki; ნასმენ-ნახული : მოგონებები / ჩიჯავაძე-კედია სოფიო - პარიზი, ქართ.-ევროპ. ინ-ტი, 2002. - 632გვ.