ნათელა გზირიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1955 წელს.

1955-1961წწ. თბილისის სახელმწიფო სამედიცინო ინსტიტუტის ადამიანისა და ცხოველთა ფიზიოლოგიის კათედრის ლაბორანტი, პროფესორ ალექსანდრე ბაკურაძესთან; 1961-1969წწ. საქართველოს მეცნიერებათა აკადემიის კარდიოლოგიის ინსტიტუტის პათოფიზიოლოგიის განყოფილების უმცროსი მეცნიერ თანამშრომელი; 1969-1972წწ. საქართველოს რესპუბლიკის თერაპიის სამეცნიერო-კვლევითი ინსტიტუტის პათოფიზიოლოგიის განყოფილების მეცნიერ-თანამშრომელი; 1972 წელს საკავშირო უმაღლესმა საატესტაციო კომისიამ მიანიჭა უფროსი მეცნიერ-თანამშრომლის წოდება - "პათოფიზიოლოგიის" სპეციალობით; 1972-1983წწ. საქართველოს ფიზიოლოგიის ინსტიტუტის პრიმატების ქცევის ლაბორატორიის უფროსი მეცნიერ-თანამშრომელი იწყებს მუშაობას იმ დროისათვის მეცნიერების ახალ დარგში-ნეიროენდოკრინოლოგიაში; 1983-1995წწ. რადიობიოლოგიისა და რადიაციული ფიზიოლოგიის განყოფილების უფროსი მეცნიერ-თანამშრომელი; 1995 წლიდან იგი აკადემიკოსების ივანე ბერიტაშვილისა და პეტრე ქომეთიანის ხელმძღვანელობით აქვეყნებს თავის სამეცნიერო ნაშრომებს; ავტორია 30 დაბეჭდილი ნაშრომისა, მათგან ერთი მონოგრაფიაა, რომელიც ცნობილ პათოფიზიოლოგთან, პროფესორ კონსტანტინე ცინცაძესთან თანაავტორობით დაიბეჭდა რუსულ ენაზე - "სისხლის ქოლესტერინის დონის ქერქული რეგულაცია" (1969, თბილისი); მონაწილეობა აქვს მიღებული მრავალ სამეცნიერო კონფერენციასა და ყრილობაზე;ცნობილი ბიოლოგი, პათფიზიოლოგი, ბიოლოგიურ მეცნიერებათა კანდიდატი (1967). ცნობილი უროლოგების ალექსანდრე გზირიშვილისა და თამარ ოჩიგავა-გზირიშვილის შვილი. 

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.817-818 

• საქართველოს ეკოლოგიურ მეცნიერებათა აკადემია, წევრ-კორესპონდენტი (1995-)