ლეონ პოზოევი

დაბადების ადგილი: ტფილისის გუბერნია.

დაამთავრა მოსკოვის მე-2 სამხედრო გიმნაზია 1872 წელს და იმავე წელს განაგრძო სწავლა მიხეილის საარტილერიო სასწავლებელში, საიდანაც გამოშვებულ იქნა 30-ე საარტილერიო ბრიგადაში 1875 წელს.

მონაწილეობდა (1877-1878) წლების რუსეთ-ოსმალეთის და (1904-1905) რუსეთ-იაპონიის ომებში. 1882 წელს გადაყვანილ იქნა 38-ე საარტილერიო ბრიგადაში, ხოლო 1887 წელს, მიხეილის საარტილერიო აკადემიის დამთავრების შემდეგ, მსახურობდა კავკასიის გრენადერთა სააარტილერიო ბრიგადაში; 1893-1895წწ. მეთაურობდა მორტირთა მე-2 საარტილერიო პოლკის მე-2 ბატარეას; 1895-1897წწ. - 27-ე საარტილერიო ბრიგადის მე-3 ბატარეის მეთაური; 1897-1904წწ. მსახურობდა თურქესტანის სამხედრო ოლქის სასწავლო საარტილერიო პოლიგონის უფროსად; 1904-1906წწ. -  41-ე საარტილერიო ბრიგადის 1-ლ დივიზიონის მეთაური; 1910 წლის 1 აგვისტოს მიენიჭა პოლკოვნიკის სამხედრო წოდება; 1906-1907წწ. - მე-5 საარტილერიო სარეზერვო ბრიგადის 1-ლ დივიზიონის მეთაური; 1907-1910წწ. მსახურობდა თურქესტანის 1-ი საარმიო კორპუსის არტილერიის უფროსად და მეთაურობდა თურქესტანის I საარტილერიო ბრიგადას; 1910-1916წწ. - თურქესტანის I საარმიო კორპუსის არტილერიის ინსპექტორი; მონაწილეობდა პირველ მსოფლიო ომში (1914-1918). 1907 წლის 31 მაისს მიენიჭა გენერალ-მაიორის სამხედრო წოდება. 1914-1917წწ. მსახურობდა თურქესტანის სამხედრო ოლქის არტილერიის ინსპექტორად. მოგვიანებით მსახურობდა წითელ არმიაში. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით. გენერალ-ლეიტენანტი (1913). რუბენ და გიორგი პოზოევების ძმა. გარდაცვალების თარიღი უცნობია, გარდაიცვალა 1918 წლის შემდეგ.

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.81-82

• 1916 - წმინდა ვლადიმირის II ხარისხის ორდენი
• 1915 - წმინდა სტანისლავის I ხარისხის ორდენი
• 1905 - ოქროს იარაღი (წარწერით "მამაცობისთვის")
• 1901 - წმინდა ვლადიმირის III ხარისხის ორდენი (ხმლებით)
• 1894 - წმინდა ანას II ხარისხის ორდენი
• 1889 - წმინდა სტანისლავის II ხარისხის ორდენი
• 1879 - წმინდა სტანისლავის III ხარისხის ორდენი (მახვილებით და ბაფთით)