ავთანდილ ბენდუქიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი 1942 წელს.

1942-1943წწ. მუშაობდა ასპინძის რაიონის სოფელ ერკოტაში სკოლის დირექტორად და მათემატიკის მასწავლებლად; 1943-1944წწ. მუშაობდა საღამოს მე-3 ათწლედში და ასწავლიდა ფიზიკას მე-10 ქალთა სკოლაში; 1945 წელს პოლიტექნიკურ ინსტიტუტში მათემატიკის კათედრის ასისტენტად და პარალელურად კითხულობა მათემატიკის კურსს სამხატვრო აკადემიაში; 1960- 1968წწ. თბილისის სახელმწიფო უნივერსიტეტის ზოგადი მათემატიკის კათედრაზე; მათემატიკის ანალიზის კათედრაზე დოცენტად (1969), პარალელურად მუშაობდა კომაროვის სახელობის და 55-ე საშუალო სკოლებში, ხელმძღვანელობდა საკავშირო დაუსწრებელ სკოლას; წლების მანძილზე კითხულობდა ლექციებს მათემატიკის სასკოლო კურსის სწავლების შესახებ მასწავლებელთა დახელოვნების ინსტიტუტში, იყო განათლების სამინისტროს მეთოდური საბჭოს წევრი. 1970-1994წწ. დაიწყო ჟურნალ "კვანტში" თავისი სტატიების პუბლიკაცია. 1979-1984წწ. იყო ჟურნალის "ფიზიკა და მათემატიკა სკოლაში" რედაქტორი. 1997 წელს მიენიჭა საქართველოს მათამატიკის კავშირის მიერ დაწესებული პრემია მათემატიკის პოპულარიზაციისა და განათლების საქმეში დამსახურებისთვის. იყო  სამეცნიერო-პედაგოგიური ჟურნალ "სკოლა და ცხოვრების" რედაქტორი და ავტორი მათემატიკის მრავალი მეთოდური და პოპულარული ნაშრომის. თბილისის სახელმწიფო უნივერსიტეტის დოცენტი (1958); ფიზიკა-მათემატიკის მეცნიერებათა კანდიდატი (1955); ტექნიკურ მეცნიერებათა დოქტორი. ეთნოლოგ ჯულიეტა რუხაძის მეუღლე. ბიზნესმენ კახა ბენდუქიძის მამა.

წყარო: თბილისის სახელმწიფო უნივერსიტეტი: encyclopedia.tsu.ge

• მათემატიკა : სერიოზული და სახალისო (ავტორი). - თბილისი, 2005. - 256გვ.
• მათემატიკური ნარკვევები : რინდის პაპირუსიდან სიმრავლეთა თეორიამდე (ავტორი). - თბილისი, ლეგია, 1995. - 112გვ.
• რა არის მათემატიკური ანალიზი (ავტორი). - თბილისი, ლეგია, 1994. - 124გვ.
• უმაღლესი მათემატიკის ამოცანათა კრებული : დამხმ. სახელმძღვ. სტუდენტებისათვის (თანაავტორი). - თბილისი, თბილისის სახ. უნ-ტის გამ-ბა, 1969. - 238გვ.
• მათემატიკური ანალიზის საწყისების მეთოდური დამუშავება (ავტორი) // ნაწ. 1. თავი I . - თბილისი. - 52გვ.