ჯანრი გოგეშვილი

დაბადების ადგილი:  ლანჩხუთის რაიონი, სოფელი ნიგოითი.

დაამთავრა ა. პუშკინის სახელობის თბილისის სახელმწიფო პედაგოგიური ინსტიტუტის ბიბლიოთეკათმცოდნეობის და ბიბლიოგრაფიის ფაკულტეტი 1981 წელს.

 ავტორი ფსიქოლოგიურ-სოციალურ თემებზე დაწერილი ნაწარმოებებისა(მოთხრობები, იუმორესკები, ზღაპრები, რომანები, პიესები, პუბლიცისტური წერილები, ლექსები), 1968 წელს პირველად მისი მოთხრობა "მესხური ყაყაჩოები", დაიბაჭდა ადიგენის რაიონულ გაზეთ "განახლებულ მესხეთში"; ხელმძღვანელობდა სცენისმოყვარეთა დასს, მართავდა თეატრალურ წარმოდგენებს. დააარსა გამომცემლობა "კიდევაც დაიზრდებიან". სხვადასხვა დროს მუშაობდა უსაფრთხოების ტექნიკის ინჟინრად, უფროს ტექნოლოგად, საზღვაო ნავსადგურში ელექტროამწეს მემანქანედ, სტამბაში მბეჭდავად, სასოფლო კლუბის გამგედ, მხარეთმცოდნეობის მუზეუმის დირექტორად, დრამატულ თეატრში დასის გამგედ, სარეკლამო სააგენტოში უფროს რედაქტორად, დარაჯად, გამომცემლობის რედაქტორად. დაარსა ჟურნალი "ხატოვანი მოტივაციები", რომლის გამომცემელი და რედაქტორი თავადაა. ბოლო წლებში, თავისუფალი "ბლოგერის სტატუსით"(სახელწოდებით "ლიტერატურულ-შემეცნებითი სივრცე" ვებ-საიტების ერთობლიობა), ინტერნეტ სივრცეში აქვეყნებს ლიტერატურულ ნაწარმოებებსა და პუბლიცისტურ შენიშვნებს.

• გამომცემლობა "კიდევაც დაიზრდებიან", დამფუძნებელი
• ეროვნული ცნობიერებისა და მწიგნობრულ-მისიონერულ მცნებათა მხარდამჭერი ფონდი, პრეზიდენტი
• მწერალთა ასოციაცია "ეროვნული ცნობიერების ანალიტიკური ცენტრი", თანათავმჯდომარე

• სიზმრიდან ცხადში... : პოეზია (ავტორი). - თბილისი, 2010. - 228გვ.. - ISBN: 978-9941-0-2892-2
• "შეშლილთა" ტკბილი სულები" : რომანი (ავტორი). - თბილისი, კიდევაც დაიზრდებიან, 1995. - 233გვ.
• სიყვარულის კრემატორიუმი : რომანი (ავტორი). - თბილისი, კიდევაც დაიზრდებიან, 1992. - 272გვ.
• გამთენებელი ღამისა (ორი რომანი) : რომანი (ავტორი). - თბილისი, მერანი, 1991. - 383გვ.
• იოგობანა : სატირულ-იუმორისტული კრებული (ავტორი). - თბილისი, ნიანგის ბიბლიოთეკა, 1990. - 63გვ.
• თეთრი კედელი : რომანი (ავტორი). - თბილისი, მერანი, 1987. - 338გვ.
• მემკვიდრე : მოთხრობების კრებული (ავტორი). - თბილისი, ნაკადული, 1984. - 110გვ.
• მიმიკრია : სატირულ-იუმორისტული კრებული (ავტორი). - თბილისი, ნიანგის ბიბლიოთეკა, 1984. - 63გვ
• ლტოლვილი სიზმარეთიდან : მოთხრობების კრებული (ავტორი). - თბილისი, მერანი, 1982. - 127გვ.