ომარ შუდრა

დაბადების ადგილი: ქ. თბილისი.

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ფიზიკის ფაკულტეტი კიბერნეტიკის განხრით 1965 წელს.

1966–1970 წწ. მუშაობდა დუბნის (მოსკოვის  ოლქი) ბირთვულ კვლევათა საერთაშორისო ინსტიტუტში გამოთვლითი ტექნიკის ლაბორატორიის უფროსი ინჟინრის თანამდებობაზე, ერთდროულად იყო თსუ ასპირანტი. 1980 წლამდე იყო თბილისის სახელმწიფო უნივერსიტეტის მაღალი ენერგიების ფიზიკის პრობლემური ლაბორატორიის უმცროსი მეცნიერ–თანამშრომელი, ავტომატიზაციის ჯგუფის უფროსი. 1980 წლიდან ახლადშექმნილი თსუ მაღალი ენერგიების ფიზიკის ინსტიტუტის სწავლული მდივანია; რამდენიმე სამეცნიერო საბჭოს წევრი. 1995 წლიდან ამავე ინსტიტუტის წამყვანი მეცნიერ–თანამშრომელია. 2009 წლიდან არის სკოლის (შპს "დეა") სამეცნიერო კონსულტანტი. კომპიუტერული თემატიკით  გამოქვეყნებული აქვს 20–მდე სამეცნიერო  შრომა, სულ გამოქვეყნებული აქვს 80-მდე მეთოდური და სამეცნიერო-პოპულარული სტატია. არის რამდენიმე წიგნის რედაქტორი, მთარგმნელი (რუსულიდან), გამოქვეყნებული აქვს საავტორო რუბრიკები ჟურნალებში. კითხულიბდა ლექციების კურსს "დოკუმენტალისტიკა", "ოფისის მართვის ტექნოლოგია" და სხვ. თსუ 7 ფაკულტეტზე და სხვა უმაღლეს სასწავლებლებში, პროფესიულ კოლეჯებში. ატარებდა მასტერ-კლასებს, ტრენინგებს საოფისე უნარ-ჩვევებში. საქართველოს პარლამენტის ეროვნული ბიბლიოთეკის (dspace.nplg.gov.ge) ციფრულ ბიბლიოთეკა "ივერიელში" განთავსებულია მისი წიგნები: "მართვის კულტურა" (2009, 2015), "მოგონებები" (2010), "საოფისე (სამსახურებრივი) უნარ-ჩვევების ტრენინგი" (2013), "ბავშვის აღზრდის პირველი ნაბიჯები" (რედაქტორი, 2013), "ბიოგრაფიული ნარკვევები" (2015), "ჩვენი სახელოვანი თანამემამულეები" (რედაქტორი, 2018). ფიზიკა-მათემატიკურ მეცნიერებათა აკადემიური დოქტორი.  

სადისერტაციო თემა – "ფიზიკური ექსპერიმენტის ავტომატიზაცია კომპიუტერის გამოყენებით", დაიცვა 1974 წელს.

• საქართველოს ბიზნესის მეცნიერებათა აკადემია, წევრ-კორესპონდენტი (2000-)
• ფაზისის საერო-სამეცნიერო აკადემია, ნამდვილი წევრი (2016-)

• ბავშვის წინასასკოლო მომზადება თამაშების გამოყენებით (რედაქტორი). - თბილისი, ი/მ გოჩა დალაქიშვილი, 2018. - 40გვ.. - ISBN: 978-9941-27-955-3
• ლოგიკურ ამოცანათა კრებული ამოხსნებით (რედაქტორი). - თბილისი, ი/მ გოჩა დალაქიშვილი, 2018. - 60გვ.. - ISBN: 978-9941-8-0499-1
• დიდ ქალაქში : ვიცხოვროთ მოწესრიგებულ კულტურულ გარემოში (ავტორი). - თბილისი, ი/მ გოჩა დალაქიშვილი, 2018. - 80გვ.. - ISBN: 978-9941-8-0606-3
• ბიოგრაფიული ნარკვევები : ეძღვნება თსუ მაღალი ენერგიების ფიზიკის ინ-ტის დაარსების 35-ე წლისთავს (ავტორი). - თბილისი, 2014. - 89გვ.. - ISBN: 978-9941-0-6504-0
• მართვის დოკუმენტური უზრუნველყოფა (დოკუმენტალისტიკა) : საერთაშ. ბიზნესის ფაკ-ტის სტუდ.-თვის (შემდგენელი). - თბილისი, თსუ, 2001. - 6გვ.
• ოფისის მართვის საკითხები : კორესპონდენცია და კომერციული დოკუმენტები. ინფორმაციული ტექნოლოგიები და თანამედროვე ორგტექნიკა. მართვის კომუნიკაციური კულტურა (ავტორი). - თბილისი, სტატისტიკის დეპარტამენტი, 1996. - 81გვ.