გურამ სიმონიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ელექტრიკოსის კეალიფიკაციით 1962 წელს, სპეციალობით "საანგარიშო-გამომთვლელი მანქანები და მართვის ხელსაწყოები"; თბილისის ხელსაწყოთმშენებლობისა და ავტომატიზაციის საშუალებათა სამეცნიერო-კვლევითი ინსტიტუტის ასპირანტურა 1971 წელს.

1971 წლიდან იყო თბილისის ხელსაწყოთმშენებლობისა და ავტომატიზაციის საშუალებათა სამეცნიერო-კვლევითი ინსტიტუტის ლაბორატორიის გამგე; 1980-1985წწ. - სსრ კავშირის რადიომრეწველობის სამინისტროს სპეციალური სამეცნიერო-სასწავლო გაერთიანება ალგორითმის თბილისის ფილიალის დირექტორის მოადგილე სამეცნიერო-სასწავლო ნაწილში; 1985-1990 წწ. – კოლექტიური სარგებლობის საინფორმაციო-გამოთვლითი ცენტრის დირექტორი; 1997 წლიდან UNDP-ის პროექტის "სახელმწიფო მართვის სისტემის სრულყოფა დემოკრატიული მმართველობის განვითარებისათვის" ეროვნული აღმასრულებელი კოორდინატორი; 1989-1992წწ. - სამეცნიერო-საწარმოო კოოპერატივ "პროლოგის" დამფუძნებელი და გენერალური დირექტორი; 1991-1996წწ. – შპს "ინფოს" გენერალური დირექტორი; 1999-2005წწ. – საქართველოს პროგრამისტთა ასოციაციის დამფუძნებელი და გამგეობის თაემჯდომარე; 2005–2009წწ. - საზოგადოებრივი ორგანიზაცია "სოლიდარობის" გამგეობის წევრი; 2009 წლიდან – საქართველოს შრომის ვეტერანთა და პენსიონერთა კავშირ "ამაგდარის" გამგეობის წევრი. მონაწილეობდა სხვადასხვა საერთაშორისო კონფერენციაში: მიუნხენში, კაიროში (ეგვიპტე), სანტიაგო დე ჩილეში, მოსკოვში, ტალინში, ტაშკენტში, ისიკყულში, ვლადივოსტოკში, სოფიაში, ლონდონში და სხვა. 4 სახელმძღვანელოს, 8 სასწავლო-მეთოდური მასალის, 1 გამოგონების ავტორი. გამოქვეყნებული ჰქონდა 24 სამეცნიერო ნაშრომი. მიღებული აქვს სახელმწიფო ჯილდოები.

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.293

• საქართველოს საინჟინრო აკადემია, წევრ-კორესპონდენტი (2005-)

• 1999 - ღირსების ორდენი