მიხეილ ქურდიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1976 წელს; ამავე უნივერსიტეტის ხელოვნების საზოგადოებრივი პროფესიის ფაკულტეტი ხელოვნებათმცოდნეობის სპეციალობით 1977 წელს; ქუთაისის ნ. მუსხელიშვილის სახელობის სახელმწიფო ტექნიკური უნივერსიტეტის მაგისტრატურა მათემატიკის, გამოყენებითი მათემატიკისა და სტრუქტურული, გამოყენებითი, მათემატიკური ლინგვისტიკის სპეციალობით 2001 წელს.

1977-1978 წწ. იყო საქართველოს მწერალთა კავშირთან არსებული მხატვრული თარგმანისა და ლიტერატურულ ურთიერთობათა მთავარი სარედაქციო კოლეგიის ინგლისურენოვანი მხატვრული და კრიტიკული ლიტერატურის მეცნიერ-რედაქტორი; 1978–1991 წწ. თბილისის ილია ჭავჭავაძის სახ. უცხო ენათა პედაგოგიური ინსტიტუტის ქართული ენის კათედრისა და საზოგადოებრივ პროფესიათა ფაკულტეტის ქართული და რუსული სექტორების ლექტორი; 1978–1979 წწ. საქართველოს სახელმწიფო გიორგი ლეონიძის სახელობის ლიტერატურის მუზეუმის უფროსი მეცნიერ-თანამშრომელი; 1979–1984 წწ. მუშაობადა გამომცემლობა "მერანის" რუსულ ენაზე გამოცემათა რედაქტორად; 1984-2010 წწ. მუშაობდა საქართველოს მეცნიერებათა აკადემიის არნ. ჩიქობავას სახელობის ენათმეცნიერების ინსტიტუტში: უფროს ლაბორანტად (1984-1986), უმცროს მეცნიერ-თანამშრომლად (1986-1988), მეცნიერ-თანამშრომლად (1988-1995); უფროს მეცნიერ-თანამშრომლად (1995-1998), წამყვან მეცნიერ-თანამშრომლად (1998-2010); პედაგოგიურ საქმიანობას ეწეოდა ივ. ჯავახიშვილის სახ. თბილისის სახელმწიფო უნივერსიტეტში და აკ. წერეთლის სახ. ქუთაისის სახელმწიფო უნივერსიტეტში; 2004 წელს მონაწილეობას ღებულობდა თბილისის ივანე ჯავახისვილის სახელობის უნივერსიტეტის რექტორის არჩევნებში. ფილოლოგიის მეცნიერებათა კანდიდატი (1995), ფილოლოგიის მეცნიერებათა დოქტორი ორი სპეციალობით: ენათმეცნიერების თეორია და ისტორია და ლიტერატურის თეორია (1998), პროფესორი. გამოქვეყნებული აქვს 200–ზე მეტი სამეცნიერო ნაშრომი. საზოგადო და პოლიტიკური მოღვაწე.

სადისერტაციო თემა – "საერთო-ქართველური ვერსიფიკაციული სისტემა და ლექსთწყობის ზოგადლინგვისტური თეორია", დაიცვა 1998 წელს.

• გელათის მეცნიერებათა აკადემია, პრეზიდენტი (2007-)
• ილია ჭავჭავაძის საზოგადოება, დამფუძნებელი (1987-)
• ილია ჭავჭავაძის საზოგადოება, საპატიო წევრი (1991-)
• საერთაშორისო აკადემიური საზოგადოება, საპატიო აკადემიკოსი
• საქართველოს დემოგრაფიული საზოგადოება, წევრი, დამფუძნებელი (1989-)
• საქართველოს დემოგრაფიული საზოგადოება, პრეზიდენტი (1990-1994)
• საქართველოს დემოგრაფიული საზოგადოება, საპატიო პრეზიდენტი (1999-)
• საქართველოს მწერალთა კავშირი, წევრი (1992-)
• საქართველოს რუსთაველის საზოგადოება, პრეზიდენტი (2003-)
• საქართველოს რუსთაველის საზოგადოება, წევრი (1987-)
• საქართველოს საპატრიარქოს გელათის მეცნიერებათა აკადემია, აკადემიკოსი (1995-2010)
• სსრ კავშირის ჟურნალისტთა კავშირის წევრი

• 2014 - ივანე ჯავახიშვილის სახელობის მედალი (გარდაცვალების შემდგეგ)
  ქართველოლოგიისა და კავკასიოლოგიის განვითარებაში შეტანილი წვლილისთვის
• 1995 - ვახტანგ გორგასლის III ხარისხის ორდენი
• საქართველოს მწერალთა კავშირის პრემია
• აკაკი წერეთლის სახელობის პრემია

• სამეცნიერო კონფერენცია "წმიდა ანდრია პირველწოდებულის გზით" : მასალები (რედაქტორი). - თბილისი, შპს. სეზანი, 2008. - 112გვ.
• ქართული ენა და დამწერლობა (ავტორი). - თბილისი, საქ. ეკლესიასთან არსებ. ქრისტიანული კვლევის საერთაშ. ცენტრი, 2008. - 28გვ.. - ISBN: 978-9941-0-0767-5
• იბერიულ-კავკასიური ენათმეცნიერების საფუძვლები (ავტორი). - თბილისი, თსუ, 2007. - 1040გვ.. - ISBN: 978-9941-13-048-9
• რელიგიურ სიტყვათა განმარტებანი : ლექსიკონი (რედაქტორი). - თბილისი, შპს მერანი, 2001. - 352გვ.. - ISBN: 99928-0-147-6
• ქრონიკა : წ. 2 : მეოცე საუკუნის სახელით : პოემა (ავტორი). - თბილისი, ნაკადული, 1987. - 62გვ.