პაატა ნაცვლიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1974 წელს, ხელოვნების ფაკულტეტი 1976 წელს.

1974-1976წწ. მუშაობდა გაზეთ "თბილისის უნივერსიტეტის" ლიტმუშაკად, 1976-1978წწ. გაზეთ "ახალგაზრდა კომუნისტი"-ს კორესპონდენტად, 1978-1984წწ. ჟურნალ "მართვე" -ს ლიტმუშაკად, 1980-1984წწ. საქართველოს საზღვაო სანაოსნოს შორეული ნაოსნობის მატროსად, 1984-1985წწ. საქართველოს რადიოს ახალგაზრდული პროგრამების მთავარი რედაქციის მთავარ რედაქტორად, 1985-1988წწ. "ახალგაზრდა კომუნისტი"-ს რედაქტორად, 1988 წ -დან გაზეთ "სამშობლო"-ს რედაქტორია; სხვადასხვა დროს იყო გაზეთ "ნატვრისთვალი"-ს რედაქტორი, საქართველოს ტელევიზიის შემოქმედებითი გაერთიანება "სხივი"-ს მთავარი რედაქტორი, "ახალი ქართული გაზეთი"-ს მთავარი რედაქტორი. ცნობილია, როგორც უნივერსალური ტიპის ჟურნალისტი. მისი რედაქტორობით გამოიცა პირველი ფერადი და კომპიუტერული გაზეთები საქართველოში. ჟურნალისტიკის გარდა მუშაობს პოეზიაში, პროზაში, დრამატურგიასა და მხატვრულ თარგმანში. არის მრავალი წიგნის ავტორი, შემდგენელი, გამომცემელი, რედაქტორი, დიზაინერი. 1984 წელს მონაწილეობა მიიღო ტიმ სევერინის ექსპედიციაში "იაზონის ნაკვალევზე". მისი საზღვარგარეთული რეპორტაჟები სისტემატურად გადაიცემა ტელევიზიით, იბეჭდება პრესაში. 1993 წელს დააარსა "პაატა ნაცვლიშვილის გამომცემლობა", რომელიც მონაწილეა თბილისისა და ფრანკფურტის წიგნის საერთაშორისო ბაზრობებისა. 1997 წელს ბუენოს-აირესში აღმოაჩინა და იმავე წელს თბილისში გამოსცა გრიგოლ რობაქიძის უცნობი ნოველა. 1999 წელს მისი თაოსნობით დაფუძნდა კულტურული ოლიმპიადის საქართველოს ეროვნული კომიტეტი. არის ბიბლიოფილი და ფილატელისტი.  მას ეკუთვნის 50-მდე ქართული მარკის (მათ შორის აღდგენილი საქართველოს რესპუბლიკის პირველი საფოსტო მარკის) დიზაინი. იღწვის უცხოეთში დაცული ქართული სიძველეების გამოვლენის, შესწავლისა და საქართველოში ჩამოტანისათვის. "პაატა ნაცვლიშვილის გამომცემლობის" დირექტორი.

• პაატა ნაცვლიშვილის გამომცემლობა, დამფუძნებელი
• საქართველოს ეროვნული ოლიმპიური კომიტეტი, ვიცე-პრეზიდენტი
• საქართველოს ოლიმპიური და სპორტული ფილატელიის ასოციაცია, პრეზიდენტი
• სპორტულ ჟურნალისტთა საერთაშორისო ასოციაცია
• სპორტულ ჟურნალისტთა საერთაშორისო ფედერაცია

• 1999 - ღირსების ორდენი
  საქართველოს ეროვნული ოლიმპიური კომიტეტის დაფუძნებაში, სპორტის ოლიმპიურ სახეობათა განვითარებაში, ოლიმპიზმის იდეების პროპაგანდაში შეტანილი პირადი დიდი წვლილისა და ნაყოფიერი საზოგადოებრივი მოღვაწეობისათვის

• ნიკო ნიკოლაძის სიკვდილი და დასაფლავება (ავტორი). - თბილისი, პაატა ნაცვლიშვილის გამ-ბა, 2004. - 40გვ.. - ISBN: 99928-66-23-3
• სიყვარულის დასასრული : ლექსები (ავტორი). - თბილისი, 2001. - 64გვ.. - ISBN: 99928-66-13-6
• ქალაქთქება. Praise of cities : ქება 2: სანფრანცისკო.Sanfrancisco (ავტორი). - თბილისი, პაატა ნაცვლიშვილის გამომცემლობა, 2000. - 36გვ.. - ISBN: 99928-66-08-X
• From Georgia to Sydney : ინგლისურ ენაზე.საქართველოს ეროვნული ოლიმპიური კომიტეტის საპრეზენტაციო გამოცემა ატლანტის ოლიმპიადისათვის (ავტორი). - Tbilisi, comp. a. des. by Paata Natsvlishvili, 2000. - 95 p.
• ქალაქთქება. Praise of cities : ქება1: ვენეცია. Venice. ალბომი (ავტორი). - თბილისი, პაატა ნაცვლიშვილის გამომცემლობა, 2000. - 36გვ.. - ISBN: 99928-66-07-1
• თემო ნაცვლიშვილი=Temo Natsvlishvili : ალბომი (შემდგენელი). - თბილისი, პაატა ნაცვლიშვილის გამ-ბა, 1999. - 48გვ.
• საქართველოს მიწა : კრებული ალექსანდრე სულხანიშვილზე (ავტორი). - თბილისი, სამშობლო, 1994. - 107გვ.
• ოლიმპიური ჩემპიონის თეორემა : სპორტული ნარკვევების კრებული (ავტორი). - თბილისი, საბჭოთა საქართველო, 1988. - 335გვ.
• ბედნიერი ჭირისუფალი : რეზო თაბუკაშვილი (ავტორი). - თბილისი, მერანი, 1986. - 111გვ.
• სიყვარულის დასაწყისი : ლექსების კრებული (ავტორი). - თბილისი, ნაკადული, 1986. - 54გვ.
• ქაღალდის წერო - 6 : ჟურნალისტური ნარკვევების კრებული (ავტორი). - თბილისი, საბჭოთა საქართველო, 1986. - 446გვ.
• მოგზაურობა "არგოთი" : ტიმ სევერინის მოგზაურობა საქართველოში (ავტორი). - თბილისი, ნაკადული, 1985. - 159გვ.
• სიყვარულის გაგრძელება : ლექსების კრებული (ავტორი). - თბილისი, მერანი, 1983. - 47გვ.
• ადით, ბიჭებო, ჯომოლუნგმაზე! : ნარკვევები სპორტზე (ავტორი). - თბილისი, საბჭოთა საქართველო, 1983. - 307გვ.
• ქაღალდის წერო : ჟურნალისტური ნარკვევების კრებული (ავტორი). - თბილისი, საბჭოთა საქართველო, 1981. - 213გვ.