| Login |
 |
 |
 English  Georgian |
| HomeCategories |
|
Search The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it. The dictionary is supported by the National Parliamentary Library of Georgia. The project aims at publishing the biographies of outstanding Georgians. We hope that whole Georgia will be involved in filling this unique dictionary. |
თენგიზ ვერულავა
Biographyდაბადების ადგილი: სოფელი სერგიეთი, მარტვილის რაიონი. დაამთავრა თბილისის სახელმწიფო სამედიცინო ინსტიტუტი 1990 წელს; დიდი ბრიტანეთის იორკის უნივერსიტეტი ჯანდაცვის ეკონომიკის მიმართულებით 1997 წელს; 1998 წელს სტაჟირება გაიარა გერმანიაში სამედიცინო და სოციალური დაზღვევის განხრით მაგდებურგის სამედიცინო დაზღვევის კომპანიაში; თბილისის ივანე ჯავახიშვილის სახელობის სახელმწიფო უნივერსიტეტის ეკონომიკური ფაკულტეტი 2000 წელს. 1991-1996წწ. სამედიცინო უნივერსიტეტის დამთავრების შემდეგ მუშაობდა ექიმად ქ. სენაკის ბავშვთა საავადმყოფოში; 1996-2003წწ. სამედიცინო დაზღვევის სახელმწიფო კომპანიის სამეგრელო-ზემო სვანეთის რეგიონის უფროსად; 2003-2007წწ. სოციალური დაზღვევის ერთიანი სახელმწიფო ფონდის სამეგრელო-ზემო სვანეთის რეგიონის უფროსად; 2007-2009წწ. შრომის, ჯანმრთელობისა და სოციალური დაცვის სამინისტროს, ჯანდაცვისა და სოციალური პროგრამების სააგენტოს მრჩეველად; 2005-2010წწ. საქართველოს უნივერსიტეტის პროფესორად; 2009-2010წწ. სასჯელაღსრულების პრობაციისა და იურიდიული დახმარების სამინისტროს პენიტენციალურ სისტემაში ჯანდაცვის რეფორმირების პროექტის მთავარ კოორდინატორად; 2010-2011წწ. ილიას სახელმწიფო უნივერსიტეტის ბიზნესის ფაკულტეტის დეკანად; 2010-2012წწ. საქართველოს ახალი ეკონომიკური სკოლის სამეცნიერო ჟურნალის "თავისუფლების ბიბლიოთეკა" მთავარ რედაქტორად; 2011-2018წწ. ილიას სახელმწიფო უნივერსიტეტის ჯანდაცვისა და დაზღვევის სამეცნიერო ცენტრის დირექტორად; 2018-2020წწ. ივ. ჯავახიშვილის სახელობის თბილისის სახელმწიფო უნივერსიტეტის ასოცირებულ პროფესორად; აკად. გ. ჩაფიძის სახ. გადაუდებელი კარდიოლოგიის ცენტრის ხარისხის მართვის დეპარტამენტის უფროსად (2015-2019), 2019 წლიდან ამავე ცენტრის მეცნიერებისა და უწყვეტი განათლების დეპარტამენტის უფროსია; 2020 წლიდან კავკასიის უნივერსიტეტის პროფესორია. 2015 წლიდან საერთაშორისო რეფერირებადი ჟურნალის "ჯანდაცვის პოლიტიკა, ეკონომიკა და სოციოლოგია" მთავარი რედაქტორია. გამოცემული აქვს 17 წიგნი, 400-მდე სამეცნიერო ნაშრომი როგორც ქართულ ასევე საერთაშორისო რეფერირებად სამეცნიერო ჟურნალებში; მონაწილეობა მიღებული აქვს მრავალ საერთაშორისო კონგრესზე და სიმპოზიუმზე (ნიდერლანდები, გერმანია, დიდი ბრიტანეთი, ესპანეთი, საფრანგეთი, ჩინეთი, ლიტვა, უნგრეთი, ირანი); 2018 წელს მიენიჭა შოთა რუსთაველის ეროვნული სამეცნიერო ფონდის ჯილდო „წლის საუკეთესო მეცნიერი სიცოცხლის შემსწავლელ და ჯანდაცვის მეცნიერებების მიმართულებებით"; მრავალი საერთაშორისო რეფერირებადი ჟურნალის სარედაქციო საბჭოს წევრი; როგორც კონსულტანტი და მკვლევარი თანამშრომლობს სხვადასხვა ორგანიზაციებთან ჯანდაცვის პოლიტიკის, ეკონომიკის, ჯანმრთელობის დაზღვევის საკითხებზე. მედიცინის დოქტორი. Member of Organizations
Bibliography
|
Suggest a Biography| Biographical Dictionary. version 1.2.2.R1 Copyright © 2010-2012 by David A. Mchedlishvili |