რეზო ჭეიშვილი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფილოლოგიური ფაკულტეტი 1959 წელს.

1961 წლიდან მუშაობს კინოსტუდია "ქართულ ფილმში"; მუშობდა ჟურ. "ცისკრის" რედაქციაში; 1985 წლიდან ალმანახ "საუნჯის" მთავარი რედაქტორის მოადგილეა; პირველი მოთხრობები 1958 გამოაქვეყნა თსუ-ის ალმანახ "პირველ სხივში"; ეკუთვნის მოთხრობათა კრებულები "ბზიანეთი" (1962), "წლევანდელი ზაფხული წყალტუბოში" (1968), "კვამლი" (1982), "ცისფერი მთები" (1983), რომანები "ჩემი მეგობარი ნოდარი" (1966, ახ. რედაქცია "ქალაქში დინოზავრები დადიან", 1974), "დალი" (1976), "მუსიკა ქარში" (1982); რ. ჭეიშვილი სატირულ-იუმორისტული პროზის ოსტატია, მიმართავს გროტესკს, სარკაზმს, ირონიას (მოთხრობები "ალ-რაზაკის სიკვდილი", "ძეგლი", "პაპიაშვილის ბრალდების საქმე", "მიწების განაწილება", "რასემონი", "ვაიმე, ჩემო ვენახო", "მეოთხე სიმფონია" და სხვ.); სხვადასხვა პერიოდში იყო კინოსტუდია "ქართული ფილმის" სასცენარო კოლეგიის წევრი, ჟურნალ "განთიადის" მთავარი რედაქტორი, ქუთაისის თეატრის სამხატვრო ხელმძღვანელი და დირექტორი; არის რამდენიმე მოკლე და სრულმეტრაჟიანი ფილმის ("ბზიანეთი", "ზღვის მგელი", "ავტოპორტრეტი", "ფედია", "ჩემი მეგობარი ნოდარი", "გამოაღეთ ფანჯრები", "განთიადის წინ", "ჭიდაობას რა უნდა", "ცისფერი მთები ანუ დაუჯერებელი ამბავი", ექსპრეს - ინფორმაცია") სცენარის ავტორი. 1992-1994წწ. საქართველოს მე-3 მოწვევის პარლამენტის წევრი, საარჩევნო ბლოკი: "ერთობა", საარჩევნო ფორმა: პარტიული სიით. ქართველი კლასიკოსი მწერალი.

წყარო: ქართული საბჭოთა ენციკლოპედია: ტ.11.-თბ., 1987. -გვ.389; საქართველოს პარლამენტის წევრები 1990-2015/კობა ამირხანაშვილი .- თბ.-2015.-გვ.394; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.37; საქართველოს პარლამენტის ვებგვერდი: old.parliament.ge; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.141

• კინემატოგრაფისტთა კავშირი, წევრი
• საქართველოს მე-3 მოწვევის პარლამენტი, წევრი (1992-1994)
• საქართველოს მე-3 მოწვევის პარლამენტის კულტურის კომისია, წევრი (1992-1994)
• საქართველოს მე-3 მოწვევის პარლამენტის ფრაქცია "ლიბერალები", წევრი (1992-1994)
• საქართველოს მწერალთა კავშირი, მდივანი

• 2012 - ლიტერატურული პრემია "საბა", ლიტერატურის განვითარებაში შეტანილი განსაკუთრებული წვლილისთვის
• 2011 - პრემია "საგურამო"
• 1997 - ღირსების ორდენი
• 1985 - სსრკ სახელმწიფო პრემია
  ფილმისთვის "ცისფერი მთები ანუ დაუჯერებელი ამბავი"
• შოთა რუსთაველის სახელობის სახელმწიფო პრემია
• საპატიო ნიშნის ორდენი
• საქართველოს სახელმწიფო პრემია

• ცისფერი მთები (ავტორი). - თბილისი, ლაშარელა, 2006. - 187გვ.. - ISBN: 99940-858-1-6
• სამი რომანი (ავტორი). - ქუთაისი, საგამომც. ცენტრი, 2003. - 569გვ.. - ISBN: 99928-46-90-9
• კუდიანი ვარსკვლავი : რომანი (ავტორი). - თბილისი, მერანი, 1999. - 332გვ.. - ISBN: 99928-16-38-4
• ვაიმე ჩემო ვენახო : მოთხრობები (ავტორი). - თბილისი, მერანი, 1982. - 527გვ.
• ქალაქში დინოზავრები დადიან. - თბილისი, 1967
• ჩემი მეგობარი ნოდარი : მოთხრობა (ავტორი). - თბილისი, ნაკადული, 1963. - 285გვ.