ლადო სეიდიშვილი

დაბადების ადგილი: ქ. ბათუმი.

დაამთავრა თბილისის სამხატვრო აკადემიის ფერწერისა და გრაფიკის ფაკულტეტი 1962 წელს.

სხვადასხვა დროს მუშაობდა: ბათუმის გამომცემლობაში მხატვარ-რედაქტორად, თბილისის სამეცნიერო-კვლევითი ინსტიტუტის ბათუმის ფილიალის მხატვარ-არქიტექტორად; ამ წლებში შექმნა ფერწერული ტილოები: "ჭაშნიკი", "უმამო ოჯახი", "შრომა" ("მუშები ბათუმიდან") და სხვა. ეს ნაწარმოები ქალაქ სფრინგვილის ხელოვნების მუზეუმის (ამერიკა, იუტას შტატი) საკუთრებაა. ტილომ დიდი ყურადღება დაიმსახურა და ავტორის თანხმობით შეიტანეს მუზეუმის მიერ გამოცემულ კატალოგში, რომელიც წარმოადგენს უცხო ქვეყნის კულტურის გასაცნობ სახელმძღვანელოს ამერიკაში არსებულ სამხატვრო კოლეჯების სტუდენტებისათვის. ლონდონის ხელოვნების მუზეუმის გრიფით გამოცემულ, მაღალი პოლიგრაფიული დონის წიგნში "საბჭოთა იმპრესიონიზმი" წარმოდგენილია ზემოთ აღნიშნული ფერწერული ტილო ("SOVIET IMPRESSIONIZM Ve Grosvenor Swanson", 2001); 1981 წელს ჟურნალ "ისკუსტვოში" დაიბეჭდა "უმამო ოჯახის" რეპროდუქცია; პარალელურად მუშაობდა წიგნების გრაფიკაზე, დეკორატიულ ხელოვნებაში (მისი სცენოგრაფიით ბათუმის თეატრში დაიდგა სპექტაკლები: "მეშვიდე ცა", "თვალი პატიოსანი", "ყოჩაღი ჯარისკაცი შვეიკი"); 1975 წელს სპექტაკლების დათვალიერებაზე "მეშვიდე ცის" სცენოგრაფია სპეციალური დიპლომით აღინიშნა; პირველი ლექსები გამოქვეყნდა 1956 წელს; სხვადასხვა დროს გამოვიდა მისი წიგნები: "ლექსების კრებული" (1961), "მზის ხმაური" (1963), "სონეტების გვირგვინი" (1972, პირველად ქართულ პოეზიაში ლ. სეიდიშვილმა შემოიტანა ეს ციკლი), "ელესა" (1969), "ადამის ვაშლი", "ზნენი და ვნებანი" (1995), ერთტომეული (2001), "რეკვიემი" (2005) და სხვ; მუშაობდა გამომცემლობა "საბჭოთა აჭარის" მხატვრულ რედაქტორად, საქართველოს მეცნიერებათა აკადემიის ბათუმის სამეცნიერო-კვლევითი ინსტიტუტის მთავარ არქიტექტორად.

წყარო: საინფორმაციო-ანალიტიკური ინტერნეტ პორტალი: presa.ge; საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.188

• აჭარის მხატვართა კავშირი, თავმჯდომარე (1965-1971)
• საქართველოს მწერალთა კავშირი, წევრი
• საქართველოს მხატვართა კავშირის აჭარის განყოფილება , თავმჯდომარე (1965-1968)

• 2001 - მემედ აბაშიძის სახელობის პრემია

• რეკვიემი : ლექსები (ავტორი). - თბილისი, ეროვნული მწერლობა, 2005. - 148გვ.. - ISBN: 99940-0-724-6
• ზნენი და ვნებანი : სონეტები (ავტორი). - ბათუმი, სტ. N1, 1995. - 180გვ.
• მზის ხმაური : სხვადასხვა ფრესკები წვიმაში. ათი სონეტი : ლექსები (ავტორი). - ბათუმი, საბჭ. აჭარა, 1972. - 46გვ.
• ელესა : ლექსები და ლირიკული პოემები (ავტორი). - ბათუმი, საბჭ. აჭარა, 1969. - 176გვ.