ნოდარ ლომოური

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი 1949 წელს. 1952 წლიდან დაიწყო პედაგოგიურ მოღვაწეობას სოხუმის პედაგოგიურ ინსტიტუტში; შემდეგ წლებში ლექციებს კითხულობდა თბილისის სახელმწიფო უნივერსიტეტში, სამხატვრო აკადემიაში, აზიისა და აფრიკის ინსტიტუტში, ხელოვნების უმაღლეს სკოლაში; 1965-1971წწ. იყო თბილისის სახელმწიფო უნივერსიტეტის პრორექტორი; 1969-1971წწ. ამავე უნივერსიტეტის ძველი ისტორიის კათედრის გამგე; 1971-1979წწ. ს. ჯანაშიას სახელობის სახელმწიფო მუზეუმის უფროსი მეცნიერ-თანამშრომელი; 1981 წლიდან საქართველოს მეცნიერებათა აკადემიის აღმოსავლეთმცოდნეობის ინსტიტუტის ბიზანტინოლოგიის განყოფილების ხელმძღვანელი; 1992 წლიდან  შ. ამირანაშვილის სახელობის საქართველოს ხელოვნების სახელმწიფო მუზეუმის დირექტორი. აქვს გამოკვლევები უძველეს უცხოურ წყაროებში თბილისის მოხსენიების შესახებ; წლების განმავლობაში იყო სხვადასხვა არქეოლოგიური ექსპედიციის მონაწილე და ერთადერთი ხელმძღვანელი. 100-ზე მეტი სამეცნიერო ნაშრომის, 18 მონოგრაფიის ავტორი. 

საკანდიდატო დისერტაციის თემა - "პტოლემაიოსის ცნობები საქართველოს შესახებ", დაიცვა 1952 წელს; სადოქტორო დისერტაციის თემა - "საქართველოსა და რომის ურთიერთობა", დაიცვა 1969 წელს.

წყარო: ივანე ჯავახიშვილის სახელობის თბილისის სახელმწიფო უნივერსიტეტი: tsu.ge; burusi.wordpress.com; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.355

• მოქალაქეთა კავშირი, წევრი
• მუზეუმების საერთაშორისო ასოციაცია, საქართველოს განყოფილების პრეზიდენტი (1998-)
• საერთაშორისო ჟურნალ "Византииский Временник" –ის სარედაქციო საბჭო, წევრი
• სახელმწიფო საბჭო, წევრი (1992-1993)

• 2000 - თბილისის საპატიო მოქალაქე
• 1996 - ღირსების ორდენი
  ქართული მეცნიერებისა და კულტურის განვითარებაში შეტანილი განსაკუთრებული წვლილისათვის, ნაყოფიერი პედაგოგიური და საზოგადოებრივი მოღვაწეობისათვის
• საქართველოს მეცნიერებათა დამსახურებული მოღვაწე

• ძველი აფხაზეთის ეთნოკულტურული ისტორიიდან (ავტორი). - თბილისი, ტრიადა, 1998. - 54გვ.
• Абхазия в античную и раннесредневековую эпохи (ავტორი). - Тбилиси, 1997. - 55.
• საქართველოსა და ბიზანტიის ურთიერთობა V საუკუნეში (ავტორი). - თბილისი, მეცნიერება, 1989. - 91გვ.
• ათონის ივერონი 1000 (ავტორი). - თბილისი, მეცნიერება, 1983. - 48გვ.
• К истории грузинского Петрицонского монастыря : Бачковский монастырь в Болгарии (ავტორი). - Тбилиси, Мецниереба, 1981. - 94с.
• ეგრისის სამეფოს ისტორია (ავტორი). - თბილისი, თბილ. უნ-ტის გამ-ბა, 1968. - 151გვ.