მზია ანდრონიკაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1941 წელს.

1942-1950წწ. მუშაობდა ენათმეცნიერების ინსტიტუტში; 1952-1969წწ. იყო თბილისის სახელმწიფო უნივერსიტეტის დოცენტი; 1969 წლიდან კათედრის პროფესორი; 1985 წლიდან აღმოსავლეთმცოდნეობის ინსტიტუტის უფროსი მეცნიერ-თანამშრომელი. შესრულებული აქვს რიგვედისა და ავესტის ჰიმნების თარგმანები. მისი სამეცნიერო შემოქმედების ძირითადი შედეგები გამოქვეყნებულია მონოგრაფიაში "ნარკვევები ქართულ-ირანული ენობრივი ურთიერთობიდან" (I ტ. 1966 წ., II ტომის I ნაკვეთი, 1966წ.). ენათმეცნიერი-აღმოსავლეთმცოდნე. 

საკანდიტადო დისერტაციის თემა – "ირანული სიტყვები ძველ ქართულ ორიგინალურ ძეგლებში", დაიცვა 1946 წელს; სადოქტორო დისერტაციის თემა - "ქართველურ-ინდოირანული ენობრივი ურთიერთობები", დაიცვა 1968 წელს.

წყარო: ქართული ენა: ენციკლოპედია. - თბ. 2008. - გვ.34; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.50

• აღმოსავლეთმცოდნეთა მსოფლიო და საკავშირო საზოგადოება, წევრი
• საქართველოს მეცნიერებათა აკადემია, წევრ-კორესპონდენტი (1979-)

• 2001 - ღირსების ორდენი
• 1968 - ივანე ჯავახიშვილის სახელობის მედალი

• ფინიკის ხე და თხა (რედაქტორი). - თბილისი, მეცნიერება, 1991. - 96გვ.
• ნარკვევები ირანულ- ქართული ენობრივი ურთიერთობიდან (ავტორი). - თბილისი, სახ. უნივერსიტეტი, 1966. - 634გვ.