ანზორ სალუქვაძე

დაბადების ადგილი: ქ. თბილისი.

დაამთავრა თბილისის უცხო ენათა ინსტიტუტის ინგლისური ენის ფაკულტეტი 1958 წელს; 1957 წელს სწავლა განაგრძო მოსკოვის სასცენო სახელოსნოში (მ. ბლეიმანის ჯგუფი).

1960 წლიდან გარდაცვალებამდე მუშაობდა კინოსტუდია "ქართული ფილმის" სასცენო-სარედაქციო კოლეგიაში. მისი ავტორობითა და თანამონაწილეობით შეიქმნა სცენარები ფილმებისათვის: "ქართველი მევენახეები", "სამი სიმღერა საქართველოზე", "ზღვის ბილიკი", "აღმაფრენა", "გზაში", "სალამური", "ვედრება", "ფილატელისტის სიკვდილი", "განგაში", "მხიარული რომანი", "ვერის უბნის მელოდიები", "უბედურება", "უმცროსი და", "ჩიტის რძე", "ინდი-მინდი", "წიგნი ფიცისა", "მოკვეთილი". სალუქვაძის პირველი ლექსები გამოქვეყნდა ჟურნალ "ცისკარში" 1957 წელს. 1973 წელს გამოვიდა მისი ლექსების კრებული. სიკვდილის შემდეგ გამოსცეს მისი ლექსების, ბალადების და პოემების კრებული "იასამანი" (2002).

წყარო: ეროვნული ფილმოგრაფია: geocinema.ge; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.277; 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.112

• საქართველოს კინემატოგრაფისტთა შემოქმედებითი კავშირი, წევრი

• 1985 - შოთა რუსთაველის სახელობის სახელმწიფო პრემია
  ფილმ "წიგნი ფიცისას" სცენარისთვის
• 1979 - საქართველოს ხელოვნების დამსახურებული მოღვაწე
• გალაკტიონ ტაბიძის სახელობის პრემია
  პოემისათვის "ფრთხილად"; იმიტაცია გ. ტაბიძის პოემისათვის "ჯონ რიდი".

• ნანილი : კრებული (ავტორი). - თბილისი, შპს "პეტიტი", 2013. - 128გვ.
• იასამანი : ლექსები, ბალადები, პოემები (ავტორი). - თბილისი, მერანი, 2002. - 220გვ.. - ISBN: 99928-946-9-5
• წიგნი ფიცისა : რომანი (ავტორი). - თბილისი, საბჭ. საქართველო, 1984. - 334გვ.
• ლექსები, პოემა (ავტორი). - თბილისი, მერანი, 1973. - 197გვ.